ರೋಬೋಟ್‌ಗಳಿಗೇ ತಿಳಿವಳಿಕೆ ನೀಡುತ್ತೆ RT-2

Team Udayavani, Jul 30, 2023, 7:37 AM IST

ಗೂಗಲ್‌ನ ಡೀಪ್‌ ಮೈಂಡ್‌ ಕಂಪನಿಯು, ರೋಬೋಟಿಕ್ಸ್‌ ಟ್ರಾನ್ಸ್‌ಫಾರ್ಮರ್‌-2 ಅಥವಾ ಆರ್‌ಟಿ-2 ಎಂಬ ಕೃತಕ ಬುದ್ಧಿಮತ್ತೆ (ಎಐ) ಮಾದರಿಯನ್ನು ಅನಾವರಣಗೊಳಿಸಿದೆ. ರೋಬೋಟ್‌ಗಳು ತಮಗೆ ಅಪರಿಚಿತವಾದ ಸಂಗತಿಗಳನ್ನೂ ಉತ್ತಮವಾಗಿಯೇ ನಿರ್ವಹಿಸುವಂತಹ ತಂತ್ರಜ್ಞಾನವೊಂದನ್ನು ಇದರಲ್ಲಿ ಅಡಕಗೊಳಿಸಲಾಗಿದೆ. ಈಗಾಗಲೇ ಅದಕ್ಕೆ ಗೊತ್ತಿರುವ ಅಥವಾ ಗೊತ್ತೇ ಇಲ್ಲದ ಸಂಗತಿಗಳನ್ನು ಸೂಕ್ತವಾಗಿ ನಿಭಾಯಿಸಲು ರೋಬೋಟ್‌ಗಳಿಗೆ ಈ ಕೃತಕ ಬುದ್ಧಿಮತ್ತೆ ನೆರವು ನೀಡುತ್ತದೆ.

ಇದು ಬೇರೆಬೇರೆ ವೆಬ್‌ಸೈಟ್‌ಗಳ ಮೂಲಕ ನಿರ್ವಹಣೆಯ ಮಾಹಿತಿಯನ್ನು ಪಡೆಯುತ್ತದೆ, ಅದಕ್ಕೆ ಪೂರಕ ಚಿತ್ರಗಳನ್ನೂ ಗಮನಿಸುವಂತೆ ಎಐಯನ್ನು ರೂಪಿಸಲಾಗಿದೆ. ಉದಾಹರಣೆಗೆ, ಆರ್‌ಟಿ-2 ಕಸವನ್ನು ಗುರುತಿಸುವ ಸಾಮರ್ಥ್ಯವನ್ನು ಹೊಂದಿದೆ. ತರಬೇತಿಯಿಲ್ಲದಿದ್ದರೂ ಅದನ್ನು ಹೇಗೆ ವಿಲೇವಾರಿ ಮಾಡಬೇಕೆಂದು ತಿಳಿಸುತ್ತದೆ ಎಂದು ಗೂಗಲ್‌ ಕಂಪನಿ ಹೇಳಿದೆ.