Russia: ಪ್ರಧಾನಿ ಮೋದಿಗೆ ರಾಷ್ಟ್ರೀಯ ಹಿತಾಸಕ್ತಿಯೇ ಪ್ರಮುಖ ಗುರಿ- ಪುಟಿನ್‌ ಶ್ಲಾಘನೆ

Team Udayavani, Dec 9, 2023, 10:42 PM IST

ಮಾಸ್ಕೊ: ಭಾರತದ ರಾಷ್ಟ್ರೀಯ ಹಿತಾಸಕ್ತಿಗಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಯಾವುದೇ ಒತ್ತಡಕ್ಕೆ ಮಣಿಯದೇ ಕಠಿಣ ನಿರ್ಧಾರಗಳನ್ನು ತಾಳುತ್ತಾರೆ ಎಂದು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಶ್ಲಾಘಿಸಿದ್ದಾರೆ.

“ರಷ್ಯಾ ಕಾಲಿಂಗ್‌’ ಹೂಡಿಕೆ ಸಮಾವೇಶದಲ್ಲಿ ಮಾತನಾಡಿದ ಅವರು, ರಷ್ಯಾ-ಭಾರತ ಸ್ಥಿರ ಬಾಂಧವ್ಯಕ್ಕೆ ಮೋದಿ ಅವರ ನೀತಿಯೇ “ಪ್ರಮುಖ ಗ್ಯಾರಂಟಿ” ಎಂದು ಹೇಳಿರುವ ಅವರು, “ಭಾರತ ಮತ್ತು ಭಾರತೀಯರ ಹಿತಾಸಕ್ತಿಗೆ ವಿರುದ್ಧವಾದ ಯಾವುದೇ ನಿರ್ಧಾರ, ಕ್ರಮಗಳನ್ನು ಕೈಗೊಳ್ಳಲು ಮೋದಿ ಅವರನ್ನು ಬೆದರಿಸಬಹುದು ಅಥವಾ ಒತ್ತಡ ಹೇರಬಹುದು ಎಂದು ಊಹಿಸುವುದೇ ಕಷ್ಟ” ಎಂದು ಅಭಿಪ್ರಾಯಪಟ್ಟಿದ್ದಾರೆ.

“ಎಲ್ಲಾ ಕ್ಷೇತ್ರಗಳಲ್ಲೂ ಭಾರತ ಮತ್ತು ರಷ್ಯಾ ನಡುವಿನ ದ್ವಿಪಕ್ಷೀಯ ಬಾಂಧವ್ಯ ವೃದ್ಧಿಯಾಗುತ್ತಿದೆ” ಎಂದು ಪುಟಿನ್‌ ಹೇಳಿದ್ದಾರೆ.

2024ರಲ್ಲಿ ನಡೆಯುವ ರಷ್ಯಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸ್ಪರ್ಧಿಸುವುದಾಗಿ ಶುಕ್ರವಾರ ಪುಟಿನ್‌ ಘೋಷಿಸಿದ್ದಾರೆ.