“ಸಹಕಾರ ರತ್ನ” ಪ್ರಶಸ್ತಿ ಪುರಸ್ಕೃತ ಉಮೇಶ್‌ ಟಿ. ಕರ್ಕೇರ ಅವರಿಗೆ ಸಮ್ಮಾನ

Team Udayavani, Dec 1, 2023, 12:28 AM IST

ಮಂಗಳೂರು: ವಿಜಯಪುರದಲ್ಲಿ ನಡೆದ ರಾಜ್ಯಮಟ್ಟದ ಸಹಕಾರ ಸಪ್ತಾಹ ಸಮಾರಂಭದಲ್ಲಿ ರಾಜ್ಯಮಟ್ಟದ “ಸಹಕಾರ ರತ್ನ’ ಪ್ರಶಸ್ತಿಯನ್ನು ಪಡೆದ ಮಂಗಳೂರು ಯಾಂತ್ರೀಕೃತ ಮೀನುಗಾರರ ಪ್ರಾಥಮಿಕ ಸಹಕಾರ ಸಂಘದ ಅಧ್ಯಕ್ಷ ಉಮೇಶ್‌ ಟಿ. ಕರ್ಕೇರ ಹೊಸಬೆಟ್ಟು ಅವರನ್ನು ಸಂಘದ ಸಭಾಂಗಣದಲ್ಲಿ ಗೌರವಿಸಲಾಯಿತು.

ಸಹಕಾರ ಕ್ಷೇತ್ರ ಸೇರಿದಂತೆ ಧಾರ್ಮಿಕ, ಸಾಮಾಜಿಕ ಕ್ಷೇತ್ರಕ್ಕೆ ಸಲ್ಲಿಸಿದ ಸೇವೆಗೆ ಈ ಪ್ರಶಸ್ತಿ ಸಂದಿದ್ದು, ಮುಂದಿನ ದಿನಗಳಲ್ಲಿ ಎಲ್ಲರ ಸಹಕಾರದೊಂದಿಗೆ ಸಂಘದ ಅಭಿವೃದ್ಧಿಗೆ ಶ್ರಮಿಸುತ್ತೇನೆ ಎಂದು ಉಮೇಶ್‌ ಕರ್ಕೇರ ಹೇಳಿದರು.

ಮಂಗಳೂರು ಯಾಂತ್ರೀಕೃತ ಮೀನುಗಾರರ ಪ್ರಾಥಮಿಕ ಸಹಕಾರಿ ಸಂಘದ ಉಪಾಧ್ಯಕ್ಷ ಬಾಬು ಸಾಲಿಯಾನ್‌ ಮೊಗವೀರಪಟ್ಣ, ನಿರ್ದೇಶಕರಾದ ಕಾಶೀನಾಥ್‌ ಕರ್ಕೇರ, ಕಮಲಾಕ್ಷ ಅಮೀನ್‌, ಮನೋಹರ ಬೋಳೂರು, ದೇವಾನಂದ ಬೆಂಗ್ರೆ, ಶಿವಾನಂದ ಬೋಳಾರ, ಶಾಮ್‌ಲಾಲ್‌ ಬೋಳೂರು, ವರದರಾಜ್‌ ಬಂಗೇರ, ಪರ್ಸೀನ್‌ ಬೋಟ್‌ ಮೀನುಗಾರರ ಸಂಘದ ಮಾಜಿ ಅಧ್ಯಕ್ಷ ಹಾಗೂ ಮತ್ಸ್ಯೋದ್ಯಮಿ ಮೋಹನ್‌ ಬೆಂಗ್ರೆ, ಮತ್ಸ್ಯೋದ್ಯಮಿಗಳಾದ ದಯಾನಂದ ಪುತ್ರನ್‌ ಮೊಗವೀರಪಟ್ಣ, ಮೋಹನ್‌ ಜಿ. ಕೋಟ್ಯಾನ್‌, ಕುಮಾರ್‌ ಕಾಂಚನ್‌, ನವೀನ್‌ಚಂದ್ರ ಬೋಳಾರ, ಮನೋಹರ ಪುತ್ರನ್‌, ವಿಲಿಯಂ ಡಿ’ಸೋಜಾ, ಸುಧೀರ್‌ ಪುತ್ರನ್‌, ಕಿರಣ್‌ ಉಳ್ಳಾಲ, ಭಾಷಾ ಹಸನಬ್ಬ, ವಾರಿಜಾಕ್ಷ, ಸುರೇಶ್‌, ಕಾರ್ಯದರ್ಶಿ ಟಿಶನ್‌ ಕುಮಾರ್‌ ಉಪಸ್ಥಿತರಿದ್ದರು.