ಲಮಿಚಾನೆ, ಹೀತರ್‌ ನೈಟ್‌ ತಿಂಗಳ ಕ್ರಿಕೆಟಿಗರು

Team Udayavani, Oct 12, 2021, 5:41 AM IST

ದುಬಾೖ: ನೇಪಾಲದ ಸಂದೀಪ್‌ ಲಮಿಚಾನೆ ಮತ್ತು ಇಂಗ್ಲೆಂಡ್‌ ವನಿತಾ ಕ್ರಿಕೆಟ್‌ ತಂಡದ ನಾಯಕಿ ಹೀತರ್‌ ನೈಟ್‌ ಸೆಪ್ಟಂಬರ್‌ ತಿಂಗಳ ಐಸಿಸಿ ಆಟಗಾರರಾಗಿ ಆಯ್ಕೆಯಾಗಿದ್ದಾರೆ.

ಈ ರೇಸ್‌ನಲ್ಲಿ ಸಂದೀಪ್‌ ಲಮಿ ಚಾನೆ ಬಾಂಗ್ಲಾದ ಎಡಗೈ ಸ್ಪಿನ್ನರ್‌ ನಾಸುಮ್‌ ಅಹ್ಮದ್‌ ಮತ್ತು ಅಮೆರಿಕದ ಬ್ಯಾಟ್ಸ್‌ಮನ್‌ ಜಸ್ಕರಣ್‌ ಮಲ್ಹೋತ್ರಾ ಅವರನ್ನು ಹಿಂದಿಕ್ಕಿದರು. ಸೆಪ್ಟಂಬರ್‌ ತಿಂಗಳಲ್ಲಿ 6 ಏಕದಿನ ಪಂದ್ಯಗಳನ್ನಾಡಿದ ಲಮಿಚಾನೆ 7.38 ಸರಾಸರಿಯಲ್ಲಿ 18 ವಿಕೆಟ್‌ ಉರುಳಿಸಿದ್ದಾರೆ.

ಹೀತರ್‌ ನೈಟ್‌ ಅವರಿಗೆ ತಮ್ಮದೇ ದೇಶದ ಚಾರ್ಲಿ ಡೀನ್‌ ಮತ್ತು ದಕ್ಷಿಣ ಆಫ್ರಿಕಾದ ಲಿಜೆಲ್‌ ಲೀ ಸ್ಪರ್ಧೆ ಎದುರಾಗಿತ್ತು. ನ್ಯೂಜಿಲ್ಯಾಂಡ್‌ ಎದುರಿನ ಏಕದಿನ ಸರಣಿ ಗೆಲುವಿನಲ್ಲಿ (4-1) ಇಂಗ್ಲೆಂಡ್‌ ನಾಯಕಿಯ ಪಾತ್ರ ಮಹತ್ವದ್ದಾಗಿತ್ತು. ನೈಟ್‌ 42.48 ಸರಾಸರಿಯಲ್ಲಿ 214 ರನ್‌ ಗಳಿಸಿದ್ದರು. ಇದರಲ್ಲಿ ಒಂದು ಶತಕವೂ ಸೇರಿತ್ತು.

ಇದನ್ನೂ ಓದಿ:ಹಣ ಕಂಡ್ರೆ ಬಾಯಿಬಿಡುವ ಕಿಮ್‌!  ಬಿಬಿಸಿ ಸಂದರ್ಶನದಲ್ಲಿ ಸೇನಾ ಕಮಾಂಡರ್‌ ಮಾಹಿತಿ