ಒಸ್ಟ್ರಾವಾ ಓಪನ್‌ ಟೆನಿಸ್‌:ಸಾನಿಯಾ-ಶುಯಿ ಜೋಡಿಗೆ ಪ್ರಶಸ್ತಿ

Team Udayavani, Sep 26, 2021, 11:19 PM IST

ಒಸ್ಟ್ರಾವಾ (ಜೆಕ್‌ ಗಣರಾಜ್ಯ): ಭಾರತದ ಸ್ಟಾರ್‌ ಆಟಗಾರ್ತಿ ಸಾನಿಯಾ ಮಿರ್ಜಾ ಪ್ರಸಕ್ತ ಋತುವಿನ ಮೊದಲ ಟೆನಿಸ್‌ ಪ್ರಶಸ್ತಿಯನ್ನೆತ್ತಿ ಸಂಭ್ರಮಿಸಿದ್ದಾರೆ. ಚೀನದ ಶುಯಿ ಜಾಂಗ್‌ ಜತೆಗೂಡಿದ ಅವರು “ಒಸ್ಟ್ರಾವಾ ಓಪನ್‌’ ವನಿತಾ ಡಬಲ್ಸ್‌ ಟೆನಿಸ್‌ ಪ್ರಶಸ್ತಿ ಗೆದ್ದರು.

ರವಿವಾರ ನಡೆದ ಫೈನಲ್‌ನಲ್ಲಿ ಸಾನಿಯಾ-ಶುಯಿ ಅಮೆರಿಕದ ಕ್ಯಾಥಿನ್‌ ಕ್ರಿಸ್ಟಿಯಾನ್‌-ನ್ಯೂಜಿಲ್ಯಾಂಡಿನ ಎರಿನ್‌ ವಿರುದ್ಧ 6-3, 6-2 ಅಂತರದ ನೇರ ಸೆಟ್‌ ಗೆಲುವು ದಾಖಲಿಸಿದರು. ಇದು ಡಬ್ಲ್ಯುಟಿಎ 500 ವಿಭಾಗದ ಕೂಟವಾಗಿದೆ.

ಇದನ್ನೂ ಓದಿ:ಶಿಕ್ಷಕರ ಅರ್ಹತಾ ಪರೀಕ್ಷೆ : ಬ್ಲೂಟೂತ್‌ ಶೂ ಧರಿಸಿ ಮೋಸ ಮಾಡುವ ಯತ್ನ

ಇದು ಸಾನಿಯಾ ಕಂಡ ಈ ವರ್ಷದ ದ್ವಿತೀಯ ಫೈನಲ್‌ ಆಗಿದೆ. ಕಳೆದ ತಿಂಗಳು ಕ್ರಿಸ್ಟಿನಾ ಮೆಕಾಲೆ ಜತೆಗೂಡಿ ಕ್ಲೀವ್‌ಲ್ಯಾಂಡ್‌ ಡಬ್ಲ್ಯುಟಿಎ 250 ಕೂಟದ ಪ್ರಶಸ್ತಿ ಸುತ್ತು ಪ್ರವೇಶಿಸಿ ರನ್ನರ್‌ ಅಪ್‌ ಆಗಿದ್ದರು.