ಇಂಡಿಯನ್‌ ವೆಲ್ಸ್‌ : ಮುನ್ನಡೆದ ಸಾನಿಯಾ ಜೋಡಿ

Team Udayavani, Mar 11, 2022, 11:22 PM IST

ಹೊಸದಿಲ್ಲಿ: “ಇಂಡಿಯನ್‌ ವೆಲ್ಸ್‌’ ಡಬ್ಲ್ಯುಟಿಎ-1000 ಕೂಟದ ವನಿತಾ ಡಬಲ್ಸ್‌ನಲ್ಲಿ ಸಾನಿಯಾ ಮಿರ್ಜಾ ಜೋಡಿ ಪ್ರಿ-ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದೆ.

ಬೆಲ್ಜಿಯಂನ ಕರ್ಸ್ಟನ್‌ ಫ್ಲಿಪ್‌ಕೆನ್ಸ್‌ ಜತೆಗೂಡಿ ಆಡುತ್ತಿರುವ ಸಾನಿಯಾ ಮಿರ್ಜಾ, ಮೊದಲ ಸುತ್ತಿನಲ್ಲಿ ಶುಕೊ ಒಯಾಮಾ (ಜಪಾನ್‌)-ಅಲೆಕ್ಸಾಂಡ್ರಾ ಕ್ರುನಿಲ್‌ (ಸರ್ಬಿಯಾ) ವಿರುದ್ಧ 6-3, 3-6, 10-7 ಅಂತರದ ಕಠಿನ ಗೆಲುವು ಸಾಧಿಸಿದರು.

ಮುಂದಿನ ಸುತ್ತಿನಲ್ಲಿ ಸಾನಿಯಾ-ಫ್ಲಿಪ್‌ಕೆನ್ಸ್‌ 5ನೇ ಶ್ರೇಯಾಂಕದ ಗ್ಯಾಬ್ರಿಯೇಲಾ ಡಾಬ್ರೋವ್‌ಸ್ಕಿ-ಗ್ಯುಲಿಯಾನಾ ಓಲ್ಮೋಸ್‌ ವಿರುದ್ಧ ಆಡಲಿದ್ದಾರೆ.

ಋತುಜಾ-ಅಂಕಿತಾ ಫೈನಲ್‌ಗೆ
ಆಸ್ಟ್ರೇಲಿಯದ ಬೆಂಡಿಗೋದಲ್ಲಿ ನಡೆಯುತ್ತಿರುವ ಐಟಿಎಫ್ ವನಿತಾ ಟೂರ್ನಿಯಲ್ಲಿ ಭಾರತದ ಋತುಜಾ ಭೋಸಲೆ-ಅಂಕಿತಾ ರೈನಾ ಡಬಲ್ಸ್‌ ವಿಭಾಗದ ಫೈನಲ್‌ ತಲುಪಿದ್ದಾರೆ.

ಸೆಮಿಫೈನಲ್‌ನಲ್ಲಿ ಭಾರತದ ಜೋಡಿ ಜಾಂಗ್‌ ಸು ಜಿಯಾಂಗ್‌ (ಕೊರಿಯಾ)-ಯಾ ಸುವಾನ್‌ ಲೀ (ಥೈಪೆ) ವಿರುದ್ಧ 6-1, 7-5 ಅಂತರದಿಂದ ಗೆದ್ದು ಬಂದಿತು. ಪ್ರಶಸ್ತಿ ಸುತ್ತಿನಲ್ಲಿ ಅಲೆಕ್ಸಾಂಡ್ರಾ ಬೊಜೋವಿಕ್‌-ವೆರೋನಿಕಾ ಫಾಲ್ಕೋವ್‌ಸ್ಕಾ ವಿರುದ್ಧ ಸೆಣಸುವರು.