Mangalore: ಕತ್ತಿಯಿಂದ ಕಡಿದು ಗಂಭೀರ ಹಲ್ಲೆ

Team Udayavani, Nov 17, 2023, 1:06 AM IST

ಮಂಗಳೂರು: ವ್ಯಕ್ತಿ ಯೊಬ್ಬನಿಗೆ ಮೂವರಿದ್ದ ತಂಡ ಕತ್ತಿಯಿಂದ ಹೊಟ್ಟೆಗೆ ಕೊಯ್ದು ಗಂಭೀರವಾಗಿ ಗಾಯಗೊಳಿಸಿದ ಘಟನೆ ನಗರದ ನೆಹರೂ ಮೈದಾನದ ಫ‌ುಟ್ಬಾಲ್‌ ಗ್ರೌಂಡ್‌ ಸಮೀಪ ನ.13ರಂದು ಮಧ್ಯಾಹ್ನ ಸಂಭವಿಸಿದೆ.

ಗುನ್ನು ಚೌದರಿ ಗಾಯ ಗೊಂಡವರು. ಅವರು ಫ‌ುಟ್ಬಾಲ್‌ ಗ್ರೌಂಡ್‌ನ‌ ಫ‌ುಟ್‌ಪಾತ್‌ ಮೇಲೆ ಕುಳಿತುಕೊಂಡಿದ್ದಾಗ ಅಲ್ಲಿಗೆ ಬಂದ ಅವರ ಪರಿಚಯದ ಫೈಸಲ್‌, ಸಂತು ಮತ್ತು ಇನ್ನೋರ್ವ ಗುರಾಯಿಸಿ ನೋಡಿದ್ದರು. ಇದೇ ವಿಚಾರದಲ್ಲಿ ವಾಗ್ವಾದ ನಡೆದಿತ್ತು. ಗುನ್ನು ಚೌದರಿ ಅಲ್ಲಿಂದ ಹೊರಡಲು ಸಿದ್ಧರಾದಾಗ ಮೂರು ಮಂದಿಯೂ ಅವರನ್ನು ತಡೆದು ನಿಲ್ಲಿಸಿ ಜೀವಬೆದರಿಕೆ ಹಾಕಿದರು. ಫೈಸಲ್‌ ಆತನ ಕೈಯಲ್ಲಿದ್ದ ಚಿಕ್ಕ ಕತ್ತಿಯನ್ನು ಬೀಸಿದ. ಚೌದರಿ ಹಿಂದೆ ಸರಿದಾಗ ಅದು ಶರ್ಟ್‌ಗೆ ತಾಗಿ ಶರ್ಟ್‌ ಹರಿಯಿತು. ಸಂತು ಫೈಸಲ್‌ನ ಕೈಯಲ್ಲಿದ್ದ ಕತ್ತಿಯನ್ನು ತೆಗೆದುಕೊಂಡು ಚೌದರಿಯ ಹೊಟ್ಟೆಯನ್ನು ಕೊಯ್ದು ತೀವ್ರವಾಗಿ ಗಾಯಗೊಳಿಸಿದ್ದಾನೆ. ಗಾಯಾಳು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಮಂಗಳೂರು ದಕ್ಷಿಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.