ಅಂತಿಮ ಟಿ20 ಪಂದ್ಯ : ಭಾರತದ ವನಿತೆಯರಿಗೆ ಭರ್ಜರಿ ಜಯ

Team Udayavani, Mar 23, 2021, 11:20 PM IST

ಲಕ್ನೋ: ಅಂತಿಮ ಟಿ20 ಪಂದ್ಯದಲ್ಲಿ ತಿರುಗಿ ಬಿದ್ದ ಭಾರತದ ವನಿತೆಯರು ದಕ್ಷಿಣ ಆಫ್ರಿಕಾವನ್ನು ಭರ್ಜರಿ 9 ವಿಕೆಟ್‌ಗಳಿಂದ ಮಣಿಸಿ ವೈಟ್‌ ವಾಶ್‌ ಸಂಕಟದಿಂದ ಪಾರಾದರು. ಸರಣಿ ಸೋಲಿನ ಅಂತರವನ್ನು 1-2ಕ್ಕೆ ಇಳಿಸಿಕೊಂಡರು.

ಮಂಗಳವಾರದ ಮುಖಾಮುಖೀ ಯಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ದಕ್ಷಿಣ ಆಫ್ರಿಕಾ ಗಳಿಸಿದ್ದು 7 ವಿಕೆಟಿಗೆ ಕೇವಲ 112 ರನ್‌. ಸ್ಪಿನ್ನರ್‌ ರಾಜೇಶ್ವರಿ ಗಾಯಕ್ವಾಡ್‌ ಅಮೋಘ ಸ್ಪೆಲ್‌ ಮೂಲಕ ಭಾರತಕ್ಕೆ ಮೇಲುಗೈ ಒದಗಿಸಿದರು (4-1-9-3). ಚೇಸಿಂಗ್‌ ವೇಳೆ ಶಫಾಲಿ ವರ್ಮ ಸಿಡಿದು ನಿಂತರು. ಬರೀ 30 ಎಸೆತ ಗಳಿಂದ 60 ರನ್‌ ಬಾರಿಸಿದರುಮ (7 ಫೋರ್‌, 5 ಸಿಕ್ಸರ್‌). ನಾಯಕಿ ಸ್ಮತಿ ಮಂಧನಾ 28 ಎಸೆತಗಳಿಂದ ಅಜೇಯ 48 ರನ್‌ ಮಾಡಿದರು (9 ಬೌಂಡರಿ). ಭಾರತ ಹನ್ನೊಂದೇ ಓವರ್‌ಗಳಲ್ಲಿ ಒಂದು ವಿಕೆಟಿಗೆ 114 ರನ್‌ ಬಾರಿಸಿತು.