Sullia ಅಕ್ರಮ ಮರಳು ಸಾಗಾಟ ಯತ್ನ: ಓರ್ವನ ಸೆರೆ

Team Udayavani, Mar 4, 2024, 12:50 AM IST

ಸುಳ್ಯ: ಇಲ್ಲಿನ ಅರಂತೋಡು ಗ್ರಾಮದ ಎಳ್ಪಕಜೆಯಲ್ಲಿ ಹರಿಯುವ ಪಯಸ್ವಿನಿ ನದಿಯಿಂದ ಮರಳನ್ನು ಟಿಪ್ಪರ್‌ ಲಾರಿಗೆ ಕಳ್ಳತನದಿಂದ ಸಾಗಾಟ ಮಾಡುವ ಉದ್ದೇಶದಿಂದ ಲೋಡ್‌ ಮಾಡುತ್ತಿದ್ದ ಖಚಿತ ಮಾಹಿತಿ ಪಡೆದ ಸುಳ್ಯ ಪೊಲೀಸರು ದಾಳಿ ನಡೆಸಿ ಓರ್ವನನ್ನು ವಶಕ್ಕೆ ಪಡೆದು ಟಿಪ್ಪರ್‌ ಸಹಿತ ಮರಳನ್ನು ಸ್ವಾಧೀನಪಡಿಸಿಕೊಂಡ ಘಟನೆ ಶನಿವಾರ ರಾತ್ರಿ ವರದಿಯಾಗಿದೆ.

ಟಿಪ್ಪರ್‌ ಲಾರಿಯಲ್ಲಿ ಕುಳಿತಿದ್ದ ವ್ಯಕ್ತಿಗಳಿಬ್ಬರು ಪೊಲೀಸರನ್ನು ನೋಡಿ ಪರಾರಿಯಾಗಲು ಯತ್ನಿಸಿದಾಗ ಓರ್ವನನ್ನು ಹಿಡಿಯಲು ಪೊಲೀಸರು ಯಶಸ್ವಿಯಾದರು. ಇನ್ನೋರ್ವ ಪರಾಗಿಯಾಗಿದ್ದಾನೆ. ಅರಂತೋಡು ಗ್ರಾಮದ ಜನಾರ್ದನ ಅವರ ಮಗ ಪ್ರಶಾಂತ್‌ (38) ಬಂಧಿತ. ತುರುಣ್‌ ಪರಾರಿಯಾದವ. ಸುಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.