ವಿವಾಹ ವಯಸ್ಸು ಅರ್ಜಿ ತಿರಸ್ಕರಿಸಿದ ಸುಪ್ರೀಂಕೋರ್ಟ್‌

Team Udayavani, Feb 21, 2023, 8:00 AM IST

ಹೊಸದಿಲ್ಲಿ: ಮಹಿಳೆಯರು ಮತ್ತು ಪುರುಷರ ನಡುವೆ ಒಂದೇ ರೀತಿಯ ವಿವಾಹದ ವಯಸ್ಸು ಇರಬೇಕು ಎಂದು ಕೋರಿ ಸಲ್ಲಿಕೆಯಾಗಿದ್ದ ಅರ್ಜಿಯನ್ನು ಸುಪ್ರೀಂಕೋರ್ಟ್‌ ಸೋಮವಾರ ತಿರಸ್ಕರಿಸಿದೆ.

ಬಿಜೆಪಿ ನಾಯಕ ಮತ್ತು ನ್ಯಾಯವಾದಿ ಅಶ್ವಿ‌ನಿ ಉಪಾಧ್ಯಾಯ ಈ ಬಗ್ಗೆ ಅರ್ಜಿ ಸಲ್ಲಿಸಿದ್ದರು. ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್‌ ನೇತೃತ್ವದ ನ್ಯಾಯಪೀಠ ಅರ್ಜಿಯ ವಿಚಾರಣೆ ನಡೆಸಿ, “ಕೆಲವೊಂದು ವಿಚಾರಗಳ ಬಗ್ಗೆ ಸಂಸತ್‌ ತೀರ್ಮಾನ ಕೈಗೊಳ್ಳಬೇಕು ಎಂಬುದು ಮೀಸಲಾಗಿ ಇರಿಸಲಾಗಿದೆ.

ಅದರಲ್ಲಿ ಕೋರ್ಟ್‌ಗಳು ಮಧ್ಯಪ್ರವೇಶ ಮಾಡುವಂತಿಲ್ಲ’ ಎಂದು ಹೇಳಿತು. ಸುಪ್ರೀಂ ಪ್ರಶ್ನೆ?: ಈ ನಡುವೆ, ಧರ್ಮ ಮತ್ತು ಲಿಂಗ ಸಮಾನತೆ ಇರುವ ಸಮಾನ ನಾಗರಿಕ ಸಂಹಿತೆಯ ನಿಯಮ ಜಾರಿಗೆ ತರುವ ಬಗ್ಗೆ ಕೇಂದ್ರ ಸರಕಾರ‌ಕ್ಕೆ ತಾನು ಸೂಚನೆ ನೀಡಲು ಸಾಧ್ಯವಿದೆಯೇ ಎಂದು ಪ್ರಶ್ನಿಸಿತು.