ಸಸ್ಪೆನ್ಸ್‌ ಥ್ರಿಲ್ಲರ್‌ ಸ್ಟಾಕರ್‌: ಮಾ.31ಕ್ಕೆ ಬಿಡುಗಡೆ

Team Udayavani, Mar 23, 2022, 11:09 AM IST

ಖ್ಯಾತ ನಿರ್ದೇಶಕ ರಾಮ್‌ ಗೋಪಾಲ್‌ ವರ್ಮಾ ಕ್ಯಾಪ್‌ ನಲ್ಲಿ ಐದಾರು ವರ್ಷಗಳ ಕಾಲ ಕೆಲಸ ಕಲಿತಿರುವ, “ಸೈಕೋ’ ಎಂಬ ತೆಲುಗು ಸಿನಿಮಾ ನಿರ್ದೇಶನ ಮಾಡಿರುವ ಅನುಭವ ಹೊಂದಿರುವ ಕಿಶೋರ್‌ ಭಾರ್ಗವ್‌ ನಿರ್ದೇಶಿಸಿರುವ ಸ್ಟಾಕರ್‌ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದ್ದು, ಮಾ.31ರಂದು ತೆರೆಕಾಣಲಿದೆ.

ಈಗಾಗಲೇ ಬಿಡುಗಡೆಯಾಗಿರುವ ಫ‌ಸ್ಟ್‌ಲುಕ್‌, ಟ್ರೇಲರ್‌ ಚಿತ್ರದ ಮೇಲಿನ ನಿರೀಕ್ಷೆ ಹೆಚ್ಚಿಸಿದೆ. ಸಿನಿಮಾದಲ್ಲಿ ಬೆಳದಿಂಗಳ ಬಾಲೆ ಸುಮನ್‌ ನಗರ್‌ಕರ್‌, ರಾಮ್, ಐಶ್ವರ್ಯ ನಂಬಿಯರ್‌, ಉದಯ್‌ ಆಚಾರ್‌ , ನಮ್ರತಾ ಪಾಟೀಲ್‌, ಜಿತೆನ್‌ ಆರೋರಾ, ಭವಾನಿ ಶಂಕರ್‌ ದೇಸಾಯಿ ಮುಂತಾದವರು ಸಿನಿಮಾದಲ್ಲಿ ನಟಿಸಿದ್ದಾರೆ.

ಥ್ರಿಲ್ಲರ್‌ ಜೊತೆಗೆ ಸಸ್ಪೆನ್ಸ್‌ ಕಥಾಹಂದರ ಹೊಂದಿರುವ ಸ್ಟಾಕರ್‌ ಸಿನಿಮಾಕ್ಕೆ ಸೋಮಶೇಖರ್‌, ಭರತ್‌ ಪ್ರಮೋದ್‌ ಹಾಗೂ ಕಿಶೋರ್‌ ಭಾರ್ಗವ್‌ ಚಿತ್ರಕಥೆ ಬರೆದಿದ್ದು, ವಿನೋದ್‌ ರಾಜ್‌ ಕ್ಯಾಮೆರಾ ಕೈ, ಸ್ಕಂದ ಕಶ್ಯಪ್‌ ಮ್ಯೂಸಿಕ್‌, ಸುಧೀರ್‌ ಕಲಾ ನಿರ್ದೇಶನವಿದೆ.