ಭಾರತದಲ್ಲಿ ಟೆಕ್ನೋ ಸ್ಪಾರ್ಕ್‌ 8 ಬಿಡುಗಡೆ

Team Udayavani, Sep 15, 2021, 2:50 PM IST

ನವದೆಹಲಿ: ಟೆಕ್ನೋ ಸಂಸ್ಥೆಯು ಸ್ಪಾರ್ಕ್‌ 8 ಸ್ಮಾರ್ಟ್‌ ಫೋನನ್ನು ಸೋಮವಾರ ಬಿಡುಗಡೆ ಮಾಡಿದೆ. ಭಾರತದಲ್ಲಿ ಕಡಿಮೆ ಮೌಲ್ಯಕ್ಕೆ ಸ್ಮಾರ್ಟ್‌ ಫೋನ್‌ ಬಿಡುಗಡೆ ಮಾಡುತ್ತಿರುವ ಸಂಸ್ಥೆಗಳಲ್ಲಿ 5ನೇ ಸ್ಥಾನದಲ್ಲಿದ್ದೇವೆ ಎಂದು ಹೇಳಿಕೊಂಡಿರುವ ಸಂಸ್ಥೆಯು ಕೇವಲ 7,999 ರೂ.ಗೆ ಸ್ಮಾರ್ಟ್‌  ಫೋನನ್ನು ಬಿಡುಗಡೆ ಮಾಡಿದೆ.

ಇದರಲ್ಲಿ 64ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಇದ್ದು, 256ಜಿಬಿ ವರೆಗಿನ ಮೆಮೋರಿ ಕಾರ್ಡ್‌ನ್ನು ಹಾಕಿಕೊಳ್ಳಬಹುದು. 16 ಎಂಪಿ ಬ್ಯಾಕ್‌ ಕೆಮರಾ ಮತ್ತು ಡುಯಲ್‌ ಫ್ಲ್ಯಾಶ್‌ ನೊಂದಿಗೆ 8ಎಂಪಿ ಫ್ರಂಟ್‌ ಕೆಮರಾವಿದೆ. 5,000ಎಂಎ ಎಚ್‌ ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಅದು ಫೋನನ್ನು 47 ದಿನಗಳವರೆಗೆ ಆನ್‌ ನಲ್ಲಿಡಬಹುದು. ಸದ್ಯ ಈ ಸ್ಪಾರ್ಕ್‌ 8 ಮೂರು ಬಣ್ಣಗಳಲ್ಲಿ ಲಭ್ಯವಿದೆ. ಸ್ಮಾರ್ಟ್‌ ಫೋನ್‌ ಅಂಗಡಿಗಳಲ್ಲಿ ಇಂದಿನಿಂದ (ಸೆ.15ನೇ ತಾರೀಕಿನಿಂದ) ಮಾರಾಟ ಆರಂಭವಾಗಲಿದೆ

ಟೆಲಿಗ್ರಾಂನಲ್ಲಿ ಪಿಐಬಿ ಫ್ಯಾಕ್ಟ್  ಚೆಕ್‌
ಹೊಸದಿಲ್ಲಿ: ಸುಳ್ಳು ಸುದ್ದಿಗಳು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಟೆಲಿಗ್ರಾಂ ಮೂಲಕ ಜನರಿಗೆ ಮಾಹಿತಿ ನೀಡಲು
ಮುಂದಾಗಿದೆ.

ಪಿಐಬಿ ಫ್ಯಾಕ್ಟ್ ಚೆಕ್‌ ಹೆಸ ರಿನ ಟೆಲಿಗ್ರಾಂ ಚಾನೆಲ್‌ ಮಾಡಲಾಗಿದ್ದು, ಅದರಲ್ಲಿ ಕೇಂದ್ರ ಸರಕಾರದ ಬಗ್ಗೆ ಹರಿದಾಡುವ ಸುಳ್ಳು ಸುದ್ದಿಗಳನ್ನು ಪತ್ತೆಹಚ್ಚಿ
ಅದರ ಬಗ್ಗೆ ನಿಖರ ಮಾಹಿತಿ ನೀಡಲಾಗುವುದು. ಪಿಐಬಿ ಮತ್ತು ಟೆಲಿಗ್ರಾಂ ಸಂಸ್ಥೆ  ಗಳು ಜಂಟಿಯಾಗಿ ಕೆಲಸ ಮಾಡುತ್ತಿದ್ದು, ಸುಳ್ಳು ಸುದ್ದಿ ಹರಡುತ್ತಿರುವ ಚಾನೆಲ್‌ಗಳನ್ನು ನಿಷ್ಕ್ರಿ ಯಗೊಳಿಸುವುದಾಗಿ ಸಚಿವಾಲಯ ತಿಳಿಸಿದೆ.