Seoul : ಮನುಷ್ಯನನ್ನೇ ಪುಡಿಗಟ್ಟಿದ ರೊಬೋಟ್‌!

Team Udayavani, Nov 9, 2023, 9:18 PM IST

ಸಿಯೋಲ್‌: ಮನುಷ್ಯರಿಗಿಂತಲೂ ವೇಗವಾಗಿ ಕಾರ್ಯನಿರ್ವಹಿಸುವ ರೊಬೋಟ್‌ಗಳು ಉಪಕಾರಿ ಎಷ್ಟೋ, ಅಷ್ಟೇ ಅಪಾಯಕಾರಿಯೂ ಹೌದು! ದಕ್ಷಿಣ ಕೊರಿಯಾದಲ್ಲಿ ತರಕಾರಿ ಪೆಟ್ಟಿಗೆಗೂ ಮನುಷ್ಯನಿಗೂ ವ್ಯತ್ಯಾಸ ತಿಳಿಯದೇ ಮನುಷ್ಯನನ್ನೇ ರೊಬೋಟ್‌ ಒಂದು ಪುಡಿಗಟ್ಟಿರುವ ಘಟನೆ ಇದಕ್ಕೆ ನೈಜ ಉದಾಹರಣೆ.

ಜಿಯೋಂಗ್‌ಸಾಂಗ್‌ ಪ್ರಾಂತ್ಯದ ಕೃಷಿ ಉತ್ಪನ್ನಗಳ ವಿತರಣಾ ಕೇಂದ್ರದಲ್ಲಿ ಉದ್ಯೋಗಿಯೊಬ್ಬ ರೊಬೋಟ್‌ ಕಾರ್ಯಾಚರಣೆಯನ್ನು ಪರಿಶೀಲಿಸುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ. ತರಕಾರಿ ತುಂಬುವ ಪೇಪರ್‌ ಪೆಟ್ಟಿಗೆಗಳನ್ನು ಎತ್ತಿ ಕ್ರಶರ್‌ಗೆ ಹಾಕುವ ರೊಬೋಟಿಕ್‌ ಯಂತ್ರವು ಪೆಟ್ಟಿಗೆ ಯಾವುದು, ಮನುಷ್ಯ ಯಾವುದೆಂದು ತಿಳಿಯದೇ ಉದ್ಯೋಗಿಯನ್ನೇ ಎತ್ತಿ ಕ್ರಶರ್‌ ಪ್ಯಾಲೆಟ್‌ ಮೇಲೆ ಹಾಕಿದೆ. ಇದರಿಂದ ಆತನ ಮುಖ ಮತ್ತು ಎದೆ ಭಾಗ ನಜ್ಜುಗುಜ್ಜಾಗಿದೆ. ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಗಿತ್ತಾದರೂ ಚಿಕಿತ್ಸೆ ಫ‌ಲಕಾರಿಯಾಗದೇ ಉದ್ಯೋಗಿ ಮೃತಪಟ್ಟಿದ್ದಾರೆ.