ಹಾಡು.. ಟ್ರೇಲರ್ ಬಳಿಕ.. ಇದೀಗ ವಿತರಣೆಯಲ್ಲೂ ಸದ್ದು ಮಾಡುತ್ತಿದೆ ʻಬನಾರಸ್ʼ

Team Udayavani, Oct 8, 2022, 11:36 AM IST

ಕನ್ನಡವೂ ಸೇರಿದಂತೆ ಐದು ಭಾಷೆಗಳಲ್ಲಿ ಬಿಡುಗಡೆಗೆ ಸಿದ್ಧವಾಗಿರುವ ಬನಾರಸ್ ಸಿನಿಮಾ ಸದ್ದು ಇದೀಗ ಭರ್ಜರಿಯಾಗತೊಡಗಿದೆ. ಚಿತ್ರದ ಹಾಡು, ಟ್ರೇಲರ್ ಮೂಲಕ ಕುತೂಹಲ ಹುಟ್ಟು ಹಾಕಿರುವ ಜಯತೀರ್ಥ ನಿರ್ದೇಶನದ ಬನಾರಸ್ ಚಿತ್ರ ವಿತರಣೆಯಲ್ಲೂ ಸದ್ದು ಮಾಡಿದೆ.

ಇದನ್ನೂ ಓದಿ:ನಾಳೆ ಅಪ್ಪು ಡ್ರೀಮ್ ಪ್ರೊಜೆಕ್ಟ್ ‘ಗಂಧದ ಗುಡಿ’ಯ ಟ್ರೇಲರ್ ಬಿಡುಗಡೆ

ಸದ್ಯ ಗಾಂಧಿನನಗರದ ಗಲ್ಲಿ ಗಲ್ಲಿಯಲ್ಲಿಯೂ ಬನಾರಸ್ ಸಿನಿಮಾದ ಓಪನಿಂಗ್ ಗಾಗಿ ಕಾಯುತ್ತಿರುವ ಮನಸ್ಸುಗಳಿದ್ದಾವೆ. ಝೈದ್ ಖಾನ್ ನಟನಾಗಿ ಎಂಟ್ರಿ ಕೊಡುತ್ತಿರುವ ಈ ಸಿನಿಮಾದ ಬಗ್ಗೆ ಕುತೂಹಲ ಹೆಚ್ಚಾಗತೊಡಗಿದೆ.

ಗಂಧದ ಗುಡಿಯಲ್ಲಿ ಡಿ ಬೀಟ್ಸ್ ಅಂದ್ರೇನೆ ಎದೆಯೊಳಗೆ ಬೀಟ್ಸ್ ಸದ್ದು ಕೇಳಿಸುತ್ತೆ. ಶೈಲಜಾ ನಾಗ್ ಹಾಗೂ ಬಿ ಸುರೇಶ್ ನೇತೃತ್ವದ ಈ ಸಂಸ್ಥೆ ಕ್ವಾಲಿಟಿ ಅಂಡ್ ಕಂಟೆಂಟ್ ಇರುವಂತ ಸಿನಿಮಾಗಳನ್ನೇ ಇಷ್ಟು ವರ್ಷ  ವಿತರಣೆ ಮಾಡಿಕೊಂಡು ಬಂದಿದೆ. ಇದೀಗ ಬನಾರಸ್ ಸಿನಿಮಾವನ್ನು ವಿಶಾಲ ಕರ್ನಾಟಕಕ್ಕೆ ವಿತರಿಸುವ ಜವಾಬ್ದಾರಿಯನ್ನು ತನ್ನ ಹೆಗಲಿಗೆ ಹಾಕಿಕೊಂಡಿದೆ.

ಮೊದಲು ಹಾಡಿನ ಮೂಲಕ ಹೈಪ್ ಕ್ರಿಯೇಟ್ ಮಾಡಿದ್ದ ಬನಾರಸ್, ಬಳಿಕ ಟ್ರೇಲರ್ ರಿಲೀಸ್ ಮಾಡಿ ಸಿನಿ ಪ್ರೇಮಿಗಳ ಹುಬ್ಬೇರಿಸುವಂತೆ ಮಾಡಿತ್ತು. ಮಾಯಗಂಗೆ ಹಾಡನ್ನು ಈಗಲೂ ಗುನುಗುತ್ತಲೇ ಇದ್ದಾರೆ ಜನ. ನವೆಂಬರ್ 4ಕ್ಕೆ ತೆರೆಗೆ ಬರುವುದಕ್ಕೆ ತಯಾರಾಗಿರುವ ಬನಾರಸ್ ಸಿನಿಮಾವನ್ನು ಜಯತೀರ್ಥ ನಿರ್ದೇಶನ ಮಾಡಿದ್ದು, ತಿಲಕ್ ರಾಜ್ ಬಲ್ಲಾಳ್ ನಿರ್ಮಾಣ ಮಾಡಿದ್ದಾರೆ. ಬಹುದೊಡ್ಡ ತಾರಾಗಣ ಹಾಗೂ ರೋಮ್ಯಾನ್ಸ್ ಕಥಾ ಹಂದರದ ಈ ಚಿತ್ರವೀಗ ಕುತೂಹಲ ಹುಟ್ಟುಹಾಕಿದೆ.

ಇದನ್ನೂ ಓದಿ: ಬನಾರಸ್ ಹಕ್ಕು ಪಡೆದ ಕೇರಳದ ಖ್ಯಾತ ವಿತರಣಾ ಸಂಸ್ಥೆ ಮುಲಕುಪ್ಪಡಮ್!