ತುಂಬೆ ಡ್ಯಾಂ: 4 ಮೀ. ನೀರು ಸಂಗ್ರಹ

Team Udayavani, Jun 16, 2020, 5:56 AM IST

ಬಂಟ್ವಾಳ: ನೇತ್ರಾವತಿ ನದಿಯಲ್ಲಿ ನೀರಿನ ಹರಿವು ಹೆಚ್ಚಾಗುತ್ತಿದ್ದಂತೆ ಮಂಗಳೂರು ನಗರಕ್ಕೆ ನೀರು ಪೂರೈಕೆ ಮಾಡುವ ತುಂಬೆ ಡ್ಯಾಂನಲ್ಲಿ ಕೆಲವು ಗೇಟ್‌ಗಳನ್ನು ತೆರೆಯಲಾಗಿದ್ದು, ಪ್ರಸ್ತುತ ಡ್ಯಾಂನಲ್ಲಿ 4 ಮೀ. ಮಾತ್ರ ನೀರು ಸಂಗ್ರಹಿಸಲಾಗಿದೆ.

ತುಂಬೆ ಡ್ಯಾಂನಲ್ಲಿ ಗೇಟ್‌ಗಳನ್ನು ತೆರೆ ಯುತ್ತಿದ್ದಂತೆ ಅದರ ಮೇಲ್ಭಾಗದಲ್ಲಿರುವ ಪಾಣೆಮಂಗಳೂರು-ಬಂಟ್ವಾಳ ಪ್ರದೇಶದ
ನದಿಯಲ್ಲಿ ನೀರು ಗಣನೀಯ ಇಳಿಕೆ ಯಾಗಿದ್ದು, ರವಿವಾರ ಬೆಳಗ್ಗೆ 5.1 ಮೀ. ಇದ್ದ ನೀರು ಸೋಮವಾರ ಬೆಳಗ್ಗೆ 2.3 ಮೀ.ಗೆಇಳಿಕೆಯಾಗಿದೆ. ಮುಂದೆ ಮಳೆ ಹೆಚ್ಚಾಗಿ ನದಿಯಲ್ಲಿ ನೀರಿನ ಹರಿವು ಹೆಚ್ಚಾಗುತ್ತಿದ್ದಂತೆ ತುಂಬೆಯಲ್ಲಿನ ಗೇಟ್‌ಗಳನ್ನು ತೆರೆಯಲಾಗುತ್ತದೆ.

ಬಂಟ್ವಾಳಕ್ಕಿಂತ ಮೇಲ್ಭಾಗದಲ್ಲಿರುವ ಶಂಭೂರು ಎಎಂಆರ್‌ ಡ್ಯಾಂನಲ್ಲಿ ಈಗಾಗಲೇ ವಿದ್ಯುತ್‌ ಉತ್ಪಾದನೆ ಆರಂಭವಾಗಿದ್ದು, ಈ ಬಾರಿ ಮಳೆಗಾಲಕ್ಕೆ ಮುಂಚಿತವಾಗಿಯೇ ಡ್ಯಾಂನಲ್ಲಿ ಹೆಚ್ಚಿನ ನೀರಿನ ಸಂಗ್ರಹ ಇದ್ದ ಕಾರಣ ಜೂನ್‌ ಪ್ರಾರಂಭದಲ್ಲೇ ಉತ್ಪಾದನೆಯೂ ಆರಂಭಗೊಂಡಿದೆ.

ವಿದ್ಯುತ್‌ ಉತ್ಪಾದನೆಯ ಹಿನ್ನೆಲೆಯಲ್ಲಿ ಶಂಭೂರು ಡ್ಯಾಂನಿಂದ ನೀರು ಹೊರಕ್ಕೆ ಹರಿದು ಬರುತ್ತಿದೆ. ಜತೆಗೆ ಘಟ್ಟ ಪ್ರದೇಶ ದಿಂದ ಹೆಚ್ಚಿನ ನೀರು ಹರಿದುಬಂದರೆ ಶಂಭೂರು ಡ್ಯಾಂಗಿಂತ ಮೇಲಿನ ಪ್ರದೇಶ ದಲ್ಲಿ ನೆರೆ ಸೃಷ್ಟಿಯಾಗಬಾರದು ಎಂಬ ಕಾರಣಕ್ಕೆ ಹೆಚ್ಚಿನ ಪ್ರಮಾಣದ ನೀರನ್ನು ಹೊರಕ್ಕೆ ಬಿಡಲಾಗುತ್ತಿದೆ.