Titanic: ಟೈಟಾನಿಕ್‌ ಲಾಸ್ಟ್‌ಮೆನ್ಯು 84.5 ಲಕ್ಷಕ್ಕೆ ಹರಾಜು

Team Udayavani, Nov 12, 2023, 11:20 PM IST

1912ರಲ್ಲಿ ಮುಳುಗಿ ಹೋದ ಟೈಟಾನಿಕ್‌ ಹಡಗಿನಲ್ಲಿ ಫ‌ಸ್ಟ್‌ಕ್ಲಾಸ್‌ ಪ್ಯಾಸೆಂಜರ್‌ಗಳಿಗೆ ನೀಡಲಾಗಿದ್ದ ಕಡೆಯ ಊಟದ ಮೆನು ಕಾರ್ಡ್‌ ಒಂದನ್ನು ಹರಾಜಾಕಲಾಗಿದ್ದು, ಬರೋಬ್ಬರಿ 84.5 ಲಕ್ಷ ರೂ.ಗಳಿಗೆ ಮಾರಾಟವಾಗಿದೆ. 1912ರ ಏ.14ರಂದು ಹಡಗು ಮುಳಗುವ ಮೂರು ದಿನಗಳ ಮುಂಚೆ ಕ್ವೀನ್ಸ್‌ಟೌನ್‌ನಿಂದ ನ್ಯೂಯಾರ್ಕ್‌ಗೆ ಹೊರಟ ಮರುದಿನ ನೀಡಿದ್ದ ಊಟದ ಮೆನು ಕಾರ್ಡ್‌ ಇದಾಗಿದೆ. ವಿಕ್ಟೋರಿಯಾ ಫ‌ುಡ್ಡಿಂಗ್‌ ಸೇರಿದಂತೆ ಹಲವಾರು ಪ್ರಾಚೀನ ಪ್ರಸಿದ್ಧ ತಿನಿಸುಗಳ ಪಟ್ಟಿ ಅದರಲ್ಲಿದೆ.

ಹಡಗು ಮುಳುಗಡೆಯಾದ ಬಳಿಕ ಹುಡುಕಾಟ ಕಾರ್ಯಾಚರಣೆ ಸಂದರ್ಭದಲ್ಲೋ, ಜೀವ ಕಳೆದುಕೊಂಡ ಪ್ರಯಾಣಿಕರ ಕಿಸೆಯಲ್ಲೋ ಈ ಕಾರ್ಡ್‌ ಸಿಕ್ಕಿದ್ದು ಅದನ್ನು ಸುರಕ್ಷಿತವಾಗಿರಿಸಲಾಗಿತ್ತು. ಇದೀಗ ಪ್ರಾಚೀನ ವಸ್ತುಗಳ ಹರಾಜು ಸಂಸ್ಥೆ ಹೆನ್ರಿ ಆಲ್ರಿಡ್ಜ್ ಆ್ಯಂಡ್‌ ಸನ್ಸ್‌ ಇದನ್ನು ಹರಾಜುಹಾಕಿದೆ. ಭಾರೀ ಮೊತ್ತಕ್ಕೆ ಮೆನು ಕಾರ್ಡ್‌ ಮಾರಾಟವಾದ ವಿಚಾರ ಭಾರೀ ವೈರಲ್‌ಕೂಡ ಆಗಿದೆ.