ಅಣುಬಾಂಬ್‌ ಶಕ್ತಿ ಹಿಂದಿಕ್ಕಿದ ಟೋಂಗಾ ಸ್ಫೋಟ

Team Udayavani, Jan 25, 2022, 7:25 AM IST

ಹೊಸದಿಲ್ಲಿ: ದಕ್ಷಿಣ ಪೆಸಿಫಿಕ್‌ ರಾಷ್ಟ್ರವಾದ ಟೋಂಗಾದಲ್ಲಿ ಜ. 15ರಂದು ಸಂಭವಿಸಿದ್ದ ಜ್ವಾಲಾಮುಖಿ ಸ್ಫೋಟದ ತೀವ್ರತೆಯು 2ನೇ ಮಹಾಯುದ್ಧದಲ್ಲಿ ಹಿರೋಶಿಮಾ- ನಾಗಸಾಕಿಯಲ್ಲಿ ಸಂಭವಿಸಿದ ಅಣುಬಾಂಬ್‌ ಸ್ಫೋಟಗಳಿಗಿಂತ ದ್ವಿಗುಣವಾಗಿತ್ತು ಎಂದು ತಜ್ಞರು ತಿಳಿಸಿದ್ದಾರೆ.

ದ್ವೀಪ ರಾಷ್ಟ್ರದ ಒಂದು ಪಾರ್ಶ್ವವನ್ನು ಬೂದಿಯಾಗಿಸಿದ ಹುಂಗಾ ಟೋಂಗಾ- ಹುಂಗಾ ಹಪಾಯ್‌ ಅಗ್ನಿ ಪರ್ವತವನ್ನು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ವತಿಯಿಂದ (ನಾಸಾ) ಗಗನಕ್ಕೆ ಹಾರಿಬಿಡಲಾಗಿರುವ ಅರ್ತ್‌ ಅಬ್ಸರ್ವೇಟರಿಯಿಂದ ಅಧ್ಯಯನ ಮಾಡಲಾಗಿದೆ.

1945ರ ಆಗಸ್ಟ್‌ನಲ್ಲಿ ನಡೆಸಲಾಗಿದ್ದ ಹಿರೋಶಿಮಾ- ನಾಗಸಾಕಿಯಲ್ಲಿ ಅಣುಬಾಂಬ್‌ ದಾಳಿಯಲ್ಲಿ 15 ಸಾವಿರ ಟನ್‌ನಷ್ಟು (ಟಿಎನ್‌ಟಿ) ಶಕ್ತಿಶಾಲಿಯಾದ ಸ್ಫೋಟ ಉಂಟಾಗಿತ್ತು. ಟೋಂಗಾ ಅಗ್ನಿಪರ್ವತ ಸ್ಫೋಟಗೊಂಡಾಗ 3 ಕೋಟಿ ಟನ್‌ (ಟಿಎನ್‌ಟಿ)ನಷ್ಟು ಶಕ್ತಿಶಾಲಿ ಸ್ಫೋಟ ಆಗಿತ್ತು ಎಂದು ತಜ್ಞರು ವಿವರಿಸಿದ್ದಾರೆ.

ಇದನ್ನೂ ಓದಿ:ರೀಬಾಕ್‌ನಿಂದ ಹೊಸ ಸ್ಮಾರ್ಟ್‌ವಾಚ್‌ ; “ರೀಬಾಕ್‌ ಆ್ಯಕ್ಟಿವ್‌ ಫಿಟ್‌ 1.0′ ಬಿಡುಗಡೆ

ಜ್ವಾಲಾಮುಖಿ ಸ್ಫೋಟ ಸಂಭವಿಸಿದಾಗ ಅದರ ಲಾವಾ ಹಾಗೂ ಬೆಟ್ಟದ ತುದಿಯಿಂದ 40 ಕಿ.ಮೀ. ಮೇಲಕ್ಕೆ ಚಿಮ್ಮಿದ್ದವು. ಈ ಅಗ್ನಿಪರ್ವತವು ಸಾಗರ­ದಾಳ­ದಲ್ಲಿ ಇದ್ದಿದ್ದರಿಂದ ಜ್ವಾಲಾಮುಖಿ ಸ್ಫೋಟಗೊಳ್ಳುತ್ತಲೇ ಸಮುದ್ರದಲ್ಲಿ ಸುನಾಮಿ ಮಾದರಿಯ ದೈತ್ಯ ಅಲೆಗಳು ಎದ್ದಿದ್ದವು ಎಂದು ನಾಸಾದ ತಜ್ಞರು ವಿವರಿಸಿದ್ದಾರೆ.