ಫೋಟೋಗ್ರಾಫ‌ರ್‌ ಮರೆತ ಫೋಟೋ ವೈರಲ್‌

Team Udayavani, Feb 21, 2022, 8:05 AM IST

ಮದುವೆ ಮನೆಯೆಂದರೆ ಅಲ್ಲಿ ಬಗೆ ಬಗೆಯ ಖಾದ್ಯ ಇರಲೇಬೇಕು. ಆದರೆ ಈ ರೀತಿಯ ಔತಣಕೂಟಗಳಲ್ಲಿ ಆಹಾರ ಎಷ್ಟು ಪ್ರಮಾಣದಲ್ಲಿ ಬಳಕೆಯಾಗುತ್ತದೆಯೋ ಅಷ್ಟೇ ಪ್ರಮಾಣದಲ್ಲಿ ಹಾಳು ಕೂಡ ಆಗುತ್ತದೆ. ಅಂತದ್ದೊಂದು ಫೋಟೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಐಎಎಸ್‌ ಅಧಿಕಾರಿ ಅವನೀಶ್‌ ಶರಣ್‌ ಅಂತದ್ದೊಂದು ಫೋಟೋ ಹಂಚಿಕೊಂಡಿದ್ದಾರೆ. ಅದರಲ್ಲಿ ಯಾವುದೋ ಔತಣಕೂಟದಲ್ಲಿ ಜನರು ತಿಂದು ತೊಳೆಯಲೆಂದು ಇಟ್ಟಿರುವ ತಟ್ಟೆಗಳು, ಅದರ ಇನ್ನೊಂದು ಭಾಗದಲ್ಲಿ ಅದೇ ತಟ್ಟೆಯಲ್ಲಿ ವೇಸ್ಟ್‌ ಆಗಿ ಬಂದ ಆಹಾರವನ್ನು ರಾಶಿ ಹಾಕಿರುವುದು ಕಾಣುತ್ತದೆ. ಆ ತಟ್ಟೆಯನ್ನೆಲ್ಲ ಯಾವುದೋ ಒಬ್ಬ ವ್ಯಕ್ತಿ ತೊಳೆಯಲು ಕುಳಿತಿರುವ ಚಿತ್ರಣವದು.

ಫೋಟೋ ಹಂಚಿಕೊಂಡಿರುವ ಅವನೀಶ್‌, “ಮದುವೆ ಮನೆಯಲ್ಲಿ ನಿಮ್ಮ ಫೋಟೋಗ್ರಾಫ‌ರ್‌ ತೆಗೆಯಲು ಮರೆತ ಫೋಟೋ’ ಎಂದು ಬರೆದುಕೊಂಡಿದ್ದಾರೆ.

ಆ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸುದ್ದಿಯಾಗಿದೆ.

The photo that your wedding photographer missed.

Stop wasting FOOD. pic.twitter.com/kKx9Mxadpp

— Awanish Sharan (@AwanishSharan) February 18, 2022