U.P: ನಾಡಿದ್ದಿನ ಪ್ರಧಾನಿ ರೋಡ್‌ ಶೋಗೆ ಉ.ಪ್ರ. ಮುಸ್ಲಿಮರ ದಾಳಿ- ಪನ್ನು ಬೆದರಿಕೆ

Team Udayavani, Dec 27, 2023, 11:45 PM IST

ಹೊಸದಿಲ್ಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಡಿ.30ರಂದು ಅಯೋಧ್ಯೆ ಯಲ್ಲಿ ನಡೆಸಲಿರುವ 15 ಕಿಮೀ ದೂರದ ಬೃಹತ್‌ ರೋಡ್‌ ಶೋ ಮೇಲೆ ದಾಳಿ ನಡೆಸಬೇಕು. ಅದಕ್ಕೆ ಉತ್ತರ ಪ್ರದೇಶದ ಮುಸ್ಲಿಮರು ಸಿದ್ಧರಿದ್ದಾರೆ ಎಂದು ಖಲಿಸ್ತಾನ ಉಗ್ರ ಗುರುಪತ್ವಂತ್‌ ಸಿಂಗ್‌ ಪನ್ನುನ್‌ ಬೆದರಿಕೆ ಹಾಕಿದ್ದಾನೆ. ಈ ಬಗ್ಗೆ ಆತ ಬಿಡುಗಡೆ ಮಾಡಿರುವ ವಿಡಿಯೋ ಒಂದರಲ್ಲಿ ಸಂದೇಶ ನೀಡಿದ್ದಾನೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ಗುಪ್ತಚರ ಸಂಸ್ಥೆಗಳು ಕಟ್ಟೆಚ್ಚರ ಕಾಯ್ದುಕೊಳ್ಳಲು ನಿರ್ಧರಿಸಿವೆ.

ಕೇಂದ್ರ ಗುಪ್ತಚರ ಸಂಸ್ಥೆಗಳೂ ಕೂಡ ಹೊಸ ವಿಡಿಯೋದಲ್ಲಿ ನ ಅಂಶಗಳನ್ನು ಪರಿಶೀಲಿಸಲು ನಿರ್ಧ ರಿಸಿವೆ. ಕಳೆದ ಗುರುವಾರ ಪೂಂಛ…ನಲ್ಲಿ ಉಗ್ರರ ದಾಳಿಗೆ ಐವರು ಯೋಧರು ಹುತಾತ್ಮರಾಗಿದ್ದನ್ನು ಸಂಭ್ರಮಿಸಿದ್ದ. ಜತೆಗೆ ಭಾರತೀಯ ಸೇನೆಯ ಮೇಲೆ ದಾಳಿ ನಡೆಸುವ ನಿಟ್ಟಿನಲ್ಲಿ ಕಾಶ್ಮೀರದ ಉಗ್ರರ ಜತೆಗೆ ಹೊಸ ಕಿಡಿಗೇಡಿ ಸಂಘಟನೆಯನ್ನೂ ಹುಟ್ಟು ಹಾಕಿದ್ದ.