ಅಮೆರಿಕ- ಭಾರತ ಮತ್ತಷ್ಟು ನಿಕಟ ; ಇಂದು ದಿಲ್ಲಿಯಲ್ಲಿ 2+2 ಮಾತುಕತೆ

Team Udayavani, Oct 27, 2020, 5:15 AM IST

ಅಮೆರಿಕ ಮತ್ತು ಭಾರತ ನಡುವಿನ ಬಹುನಿರೀಕ್ಷಿತ ಮೂರನೇ 2+2 ಮಾತುಕತೆ ಮಂಗಳವಾರ ಹೊಸದಿಲ್ಲಿÉಯಲ್ಲಿ ನಡೆಯಲಿದೆ. ಅದಕ್ಕಾಗಿ ಅಮೆರಿಕ ವಿದೇಶಾಂಗ ಸಚಿವ ಮೈಕ್‌ ಪೊಂಪ್ಯು ಮತ್ತು ರಕ್ಷಣ ಸಚಿವ ಮಾರ್ಕ್‌ ಎಸ್ಪರ್‌ ಈಗಾಗಲೇ ಆಗಮಿಸಿದ್ದಾರೆ. ಹಲವು ವಿಚಾರಗಳ ಬಗ್ಗೆ 2 ದೇಶಗಳ ಸಚಿವರು ಸಮಗ್ರ ಮಾತುಕತೆ ನಡೆಸುವ ಸಾಧ್ಯತೆ ಇದೆ

ಅಜೆಂಡಾದಲ್ಲಿ ಏನಿದೆ?
ಭಾರತ ಮತ್ತು ಚೀನ ನಡುವೆ ಗಡಿ ತಂಟೆ ಇರುವ ಸಂದರ್ಭದಲ್ಲಿಯೇ ಮಾತುಕತೆ ನಡೆಯುತ್ತಿದೆ. ಈ ಅಂಶವೂ ಪ್ರಸ್ತಾಪವಾಗುವ ಸಾಧ್ಯತೆ ಪ್ರಾದೇಶಿಕ ಭದ್ರತಾ ಸಹಕಾರ, ರಕ್ಷಣ ಮಾಹಿತಿ ವಿನಿಮಯ, ರಕ್ಷಣ ಕ್ಷೇತ್ರದಲ್ಲಿ ಹೂಡಿಕೆ, ಸೇನೆಗಳ ನಡುವಿನ ಮಾತುಕತೆ ಬಹು ನಿರೀಕ್ಷಿತ ರಕ್ಷಣ ಕ್ಷೇತ್ರದಲ್ಲಿ ವಿಸ್ತೃತ ಸಹಕಾರದ ನಿಟ್ಟಿನಲ್ಲಿ ಬೇಸಿಕ್‌ ಎಕ್ಸ್‌ಚೇಂಜ್‌ ಆ್ಯಂಡ್‌ ಕೊ- ಆಪರೇಷನ್‌ ಎಗ್ರಿಮೆಂಟ್‌ಗೆ ಸಹಿ ಸಾಧ್ಯತೆ

ಏನಿದು “2+2 ಮಾತುಕತೆ’?
– ವಿದೇಶಾಂಗ ಮಾತುಕತೆಗಳಲ್ಲಿ ಬಳಕೆ ಮಾಡುವ ಪದ ಪ್ರಯೋಗ.
– ಯಾವುದೇ 2 ದೇಶಗಳ ವಿದೇಶಾಂಗ ಮತ್ತು ರಕ್ಷಣ ಸಚಿವರು ಒಟ್ಟಿಗೇ ಕುಳಿತು ನಡೆಸುವ ಮಾತುಕತೆ.
– ಸರಳವಾಗಿ ಹೇಳುವುದಿದ್ದರೆ 2 ದೇಶಗಳ ನಡುವಿನ ವ್ಯೂಹಾತ್ಮಕ, ಭದ್ರತೆ ಮತ್ತು ಜಗತ್ತಿನ ಪ್ರಮುಖ ವಿಚಾರಗಳ ಬಗ್ಗೆ ಸಮಾಲೋಚನೆ.
– ರಾಜತಾಂತ್ರಿಕ ಮತ್ತು ದ್ವಿಪಕ್ಷೀಯ ಬಾಂಧವ್ಯ ವೃದ್ಧಿಸುವ ನಿಟ್ಟಿನಲ್ಲಿ ಇದು ಸಹಕಾರಿ.

ಭಾಗವಹಿಸುವವರು ಯಾರು?
ಭಾರತ- ಎಸ್‌.ಜೈಶಂಕರ್‌-ವಿದೇಶಾಂಗ ಸಚಿವ, ರಾಜನಾಥ್‌ ಸಿಂಗ್‌-ರಕ್ಷಣ ಸಚಿವ
ಅಮೆರಿಕ- ಮೈಕ್‌ ಪೊಂಪ್ಯು- ವಿದೇಶಾಂಗ ಸಚಿವ,ಮಾರ್ಕ್‌ ಎಸ್ಪರ್‌- ರಕ್ಷಣ ಸಚಿವ

ಮೊದಲು ನಡೆದದ್ದು ಯಾವಾಗ?
ಎರಡೂ ದೇಶಗಳ ನಡುವೆ 2018ರ ಸೆಪ್ಟೆಂಬರ್‌ 2+2 ಮಾತುಕತೆ ಹೊಸದಿಲ್ಲಿಯಲ್ಲಿ ನಡೆದಿತ್ತು.
ಎರಡು ದೇಶಗಳ ನಡುವೆ ಮಂಗಳವಾರ ನಡೆಯಲಿರುವುದು ಮೂರನೇ ಮಾತುಕತೆ.