ಇತಿಹಾಸದ ವಿಷಯಗಳನ್ನು ಅದನ್ನು ರಾಜಕೀಯ ಕೆಸರೆರೆಚಾಟಕ್ಕೆ ಬಳಸಿಕೊಳ್ಳುವುದು ಎಷ್ಟು ಸಮಂಜಸ?

Team Udayavani, Oct 19, 2019, 4:07 PM IST

ಮಣಿಪಾಲ: ಇತಿಹಾಸದ ವಿಷಯಗಳನ್ನು ಪದೇ ಪದೇ ಕೆದಕಿ ಅದನ್ನು ರಾಜಕೀಯ ಕೆಸರೆರೆಚಾಟಕ್ಕೆ ಬಳಸಿಕೊಳ್ಳುವುದು ಎಷ್ಟು ಸಮಂಜಸ? ಎಂಬ ಪ್ರಶ್ನೆಯನ್ನು ಉದಯವಾಣಿ ತನ್ನ ಓದುಗರಿಗೆ ಕೇಳಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಆಯ್ದ ಪ್ರತಿಕ್ರಿಯೆಗಳು ಇಲ್ಲಿವೆ.

ದಾವೂದ್ ಕೂರ್ಗ್: ಇದು ಒಂದು ರೀತಿಯ ಪಾಲಾಯನಾವಾದ. ಜನತೆ ಅಭಿವ್ರಿದ್ಧಿಯನ್ನು ಬಯಸುತ್ತಿದ್ದಾರೆ. ಆದರೆ ಉದ್ದೇಶಿತ ರೀತಿಯಲ್ಲಿ ಅದನ್ನು ಸಾದಿಸಲಾಗದೆ ಆರ್ಥಿಕತೆ ಹಿಂದೆಂದೂ ಕಂಡರಿಯದ ರೀತಿಯಲ್ಲಿ ಕುಸಿಯುತ್ತಿರ ಬೇಕಾದರೆ, ಜನರ ಗಮನವನ್ನು ಎಂದೋ ಮುಗಿದುಹೋದ 100 ವರ್ಷ ಹಿಂದಿನ ವಿವಾದಾತ್ಮಕ ವಿಷಯಗಳತ್ತ ಹೊರಳಿಸಿ ದೇಶವನ್ನು ಹಿಂದಕ್ಕೆ ಕೊಂಡುಹೋಗಲಷ್ಟೇ ಇದರಿಂದ ಪ್ರಯೋಜನವಾದೀತು. ನಮ್ಮ ದೇಶ ಮುಂದಿನ 10 ವರ್ಷಗಳಲ್ಲಿ ಹೇಗೆ ಇರಬೇಕು. ನಮ್ಮ ಕಾರ್ಯಯೋಜನೆಗಳೇನು. ಹಸಿವುಮುಕ್ತ, ಬಡತನ ಮುಕ್ತ ಭಾರತಕ್ಕಾಗೆ ನಾವು ಹೇಗೆ ತಯಾರಾಗಬೇಕು ಎಂಬುದರ ಬಗ್ಗೆ ದೇಶ ವ್ಯಾಪಕ ಚರ್ಚೆಗಳು, ವಾದಗಳು ನಡೆಯಲಿ. ಧನಾತ್ಮಕ ಚರ್ಚೆಗಳು ನಡೆಯಲಿ. ಜೈ ಭಾರತ್.

ರಾಜಣ್ಣ ಎಂಕೆ ರಾಜಣ್ಣ: ಇತಿಹಾಸವನ್ನು ರಾಜಕೀಯವಾಗಿ ದುರ್ಬಳಕೆ ತಪ್ಪು. ಇವರಿಗೆ ಜ್ಞಾನದ ಕೊರತೆ ಇದೆ,ಇಂದಿನ ದಿನಮಾನದಲ್ಲಿ ಹೆಚ್ಚು ತಿಳಿವಳಿಕೆ, ಇತಿಹಾಸದ ಬಗ್ಗೆ ಹೆಚ್ಚು ಮಾಹಿತಿ ತಂತ್ರಜ್ಞಾನದ ಮೂಲಕ ಜ್ಞಾನದ ಅರಿವು ಉಳ್ಳವಾರಾಗಿದ್ದರೆ,ಹಾಗೂ ನಿಮ್ಮ ನಡೆನುಡಿ ನಿಮ್ಮ ದುರುದ್ದೇಶದ ಅರಿವು ಇದೆ. ಇತಿಹಾಸವನ್ನು ಅನುಕೂಲಕ್ಕೆ ತಕ್ಕಂತೆ ಬಳಕೆ ಮಾಡಲಾಗುತ್ತದೆ ಇದು ನನ್ನ ಪ್ರಕಾರ ದೇಶಧ್ರೊಹದ ಕೆಲಸ ಕಾರಣ ಸಾಮಾನ್ಯ ಜನರನ್ನು ಪ್ರಜ್ಜಾಪೂರ್ವಕವಾಗಿ ದಾರಿ ತಪ್ಪಿಸಲು ಮಾಡುವ ಹುನ್ನಾರವಲ್ಲವೆ? ಇನ್ನಾದರು ವಿದೂಷಕರ /ಜೋಕರ್, ಪಾತ್ರ ಮಾಡುವುದನ್ನು ನಿಲ್ಲಿಸಬೇಕು. ಪ್ರಜಾಪ್ರಭುತ್ವ ವೋ ! ರಾಜಪ್ರಭುತ್ವ ವೋ !

ಫ್ರಾನ್ಸಿಸ್ ಡಿ ಸೋಜಾ: ಇತಿಹಾಸವನ್ನು ಕೆದಕುವುದು ಬಿಜೆಪಿಯ ಜಾಯಮಾನ ಹೆಚ್ಚು ಕಮ್ಮಿ ಬಿಜೆಪಿಯ ಎಲ್ಲ ರಾಜಕಾರಿಣಿಗಳು ಬರೀ ಜನರನ್ನು ಮಂಕುಗೊಳಿಸಿ ಓಟು ಗಿಟ್ಟಿಸಿಕೊಳ್ಳುವುದು

ಸೈಮನ್ ಫೆರ್ನಾಂಡಿಸ್ :ಇತಿಹಾಸದ ಸರಿ ತಪ್ಪುಗಳನ್ನು ವರ್ತಮಾನದಲ್ಲಿ ಅವಲೋಕನೆ ಮಾಡಿ ಮುಂದಿನ ಭವಿಷ್ಯ ರೂಪಿಸಬೇಕೇ ವಿನಹ, ಇತಿಹಾಸವನ್ನು ಅಪ್ಪ ಹಾಕಿದ ಆಲದ ಮರ ಎಂದು ಅದಕ್ಕೆ ಜೋತು ಬೀಳಬಾರದು ಅದರ ಕೆಸರಲ್ಲೇ ಹೊರಳಾಡಬಾರದು.

ರಂಗರಾಜು ಅಂಬುಗ: ಎಷ್ಟೋ ಜನಕ್ಕೆ ನಿಜವಾದ ಇತಿಹಾಸ ತಿಳಿದೇ ಇಲ್ಲ . ಅಂಥಹವರೆಲ್ಲರಿಗೂ ಅರ್ಥವಾಗುವತನಕ ಇತಿಹಾಸವನ್ನು ಕೆದಕುತ್ತಲೇ ಇರಬೇಕು .

ದಯಾನಂದ ಕೊಯಿಲ: ನಾವು ಹಿಂದುಳಿದದ್ದು ಇಲ್ಲೇ ಇರ್ಬೇಕು ಎಲ್ಲಿ ಹೋದ್ರೂ ಹಿಂದೆ ಹಾಗಿದ್ದ್ವೀ ಹೀಗಿದ್ವೀ ಅಂತ ಹೇಳ್ತಾ ಇರ್ತಾರೆ ಮುಂದೆ ಹಾಗಾಗ್ಬೇಕು ಹೀಗಾಗ್ಬೇಕು ಅಂತ ಹೇಳೋರು ಕಮ್ಮಿ ಏನ್ಮಾಡೋದು?

ಗೌತಮ್ ಶೆಟ್ಟಿ: ಇತಿಹಾಸದ ತಪ್ಪು ಗಳಿಂದ ಪಾಠ ಕಲಿಯದ ಮನುಷ್ಯನಿಗೆ ಭವಿಷ್ಯ ಅದೇ ತಪ್ಪನ್ನು ಮತ್ತೆ ಮಾಡಿಸುತ್ತದೆ.

ಮುಕೇಶ್ ಕುಮಾರ್ : ಎಷ್ಟೋ ಜನಕ್ಕೆ ನಿಜವಾದ ಇತಿಹಾಸ ತಿಳಿದೇ ಇಲ್ಲ. ಅಂಥಹವರೆಲ್ಲರಿಗೂ ಅರ್ಥವಾಗುವತನಕ ಇತಿಹಾಸವನ್ನು ಕೆದಕುತ್ತಲೇ ಇರಬೇಕು.