ವಾಸಿಮ್‌ ಅಕ್ರಂ ಎಸೆತಕ್ಕೆ ಹೆದರಿ ಕ್ರೀಸ್‌ ಇಳಿಯದ ಡೊನಾಲ್ಡ್‌ !

Team Udayavani, Jun 9, 2020, 5:55 AM IST

ಲಾಹೋರ್‌: ಈ ಲಾಕ್‌ಡೌನ್‌ ಕಾಲದಲ್ಲಿ ಕ್ರಿಕೆಟಿಗರೆಲ್ಲ ತಮ್ಮ ವೃತ್ತಿಬದುಕಿನ ಸ್ವಾರಸ್ಯಕರ ಪ್ರಸಂಗ ಗಳನ್ನು ಒಂದೊಂದಾಗಿ ಮೆಲುಕು ಹಾಕುತ್ತಿದ್ದಾರೆ. ಗತಕಾಲದ ವೇಗಿಗಳಾದ ಪಾಕಿಸ್ಥಾನದ ಮತ್ತು ದಕ್ಷಿಣ ಆಫ್ರಿಕಾದ ಅಲನ್‌ ಡೊನಾಲ್ಡ್‌ ಅವರ ಘಟನೆಯೊಂದು ಇದಕ್ಕೆ ಹೊಸ ಸೇರ್ಪಡೆಯಾಗಿದೆ.

ದವಡೆಗೆ, ಗಲ್ಲಕ್ಕೆ 20 ಹೊಲಿಗೆ!ಇದು ಇಂಗ್ಲೆಂಡ್‌ ಕೌಂಟಿಯಲ್ಲಿ ಆಡುತ್ತಿದ್ದಾಗ ನಡೆದ ಘಟನೆ…”ಅದು 1989ರ ಇಂಗ್ಲಿಷ್‌ ಕ್ರಿಕೆಟ್‌ ಋತು. ನಾನು 8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗಿಗೆ ಇಳಿದಿದ್ದೆ. ಡೊನಾಲ್ಡ್‌ ಅವರ 150 ಕಿ.ಮೀ. ವೇಗದ ಶಾರ್ಟ್‌ ಪಿಚ್‌ ಎಸೆತವೊಂದನ್ನು ಪುಲ್‌ ಮಾಡುವ ಯತ್ನದಲ್ಲಿ ನಾನು ಎಡವಿದೆ. ಬ್ಯಾಟಿಗೆ ಟಾಪ್‌ ಎಜ್‌ ಆದ ಚೆಂಡು ಗಲ್ಲಕ್ಕೆ ಅಪ್ಪಳಿಸಿತು. ಡೆಂಟಿಸ್ಟ್‌ ಬಳಿ ಹೋದಾಗ ಅವರು ಬಾಯಿಯ ಒಳಗೆ 10, ಹೊರಭಾಗದಲ್ಲಿ 10… ಒಟ್ಟು 20 ಹೊಲಿಗೆ ಹಾಕಿದರು. ಒಂದೆರಡು ದಿನ ವಿಶ್ರಾಂತಿ ಪಡೆಯಲು ಸೂಚಿಸಿದರು…’

“ನನಗೆ ಸೇಡಿನ ತವಕ. ಡೊನಾಲ್ಡ್‌ಗೂ ಅಂಥದೇ ಎಸೆತವೊಂದನ್ನಿಕ್ಕಲು ಕಾಯುತ್ತಿದ್ದೆ. ಹೀಗಾಗಿ ಸಂಜೆಯ ವೇಳೆ ನಾನು ಬೌಲಿಂಗಿಗೆ ಇಳಿದೆ. ಅಂಜಿದ ಡೊನಾಲ್ಡ್‌ ಕ್ರೀಸ್‌ ಇಳಿಯಲೇ ಇಲ್ಲ. ಬಳಿಕ ನಾವು ಈ ಪಂದ್ಯವನ್ನು ಜಯಿಸಿದೆವು’ ಎಂದು ವಾಸಿಮ್‌ ಅಕ್ರಂ 3 ದಶಕಗಳ ಹಿಂದಿನ ಪ್ರಸಂಗವನ್ನು ತೆರೆದಿಟ್ಟರು.