National Cinema Day: ಅ.13ರಂದು 99ರೂ.ಗೆ ಸಿನಿಮಾ ನೋಡಿ!

Team Udayavani, Oct 10, 2023, 9:32 PM IST

ನವದೆಹಲಿ: ಸಾಮಾನ್ಯವಾಗಿ ಶುಕ್ರವಾರದಂದು ಸಿನಿಮಾಗಳ ಬಿಡುಗಡೆಯಾಗುವುದರಿಂದ ಟಿಕೆಟ್‌ ಬೆಲೆಯೂ ಆ ದಿನ ಹೆಚ್ಚಿಗೆ ಇರುತ್ತದೆ. ಆದರೆ, ಅ.13ರ ಈ ಶುಕ್ರವಾರ, ದೇಶದ 4,000 ಸ್ಕ್ರೀನ್‌ಗಳಲ್ಲಿ ಸಿನಿಮಾ ಟಿಕೆಟ್‌ನ ಬೆಲೆ ಕೇವಲ 99 ರೂ. ಮಾತ್ರ! ಹೌದು, ರಾಷ್ಟ್ರೀಯ ಸಿನಿಮಾ ದಿನದ ಹಿನ್ನೆಲೆಯಲ್ಲಿ ಅಂದು ಪಿವಿಆರ್‌ ಐನಾಕ್ಸ್‌, ಸಿನಿಪೊಲಿಸ್‌, ಮಿರಾಜ್‌, ಸಿಟಿಪ್ರೈಡ್‌, ಏಷ್ಯನ್‌ಮುಕ್ತಾ ಎ2, ಮೂವಿ ಟೈಮ್‌ನಂಥ ಮಲ್ಟಿಪ್ಲೆಕ್ಸ್‌ಗಳು ಸೇರಿ ಒಟ್ಟು 4 ಸಾವಿರ ಸ್ಕ್ರೀನ್‌ಗಳಲ್ಲಿ 99 ರೂ.ಗಳಿಗೆ ಟಿಕೆಟ್‌ ಖರೀದಿಸಿ ಸಿನಿಮಾ ನೋಡಬಹುದಾಗಿದೆ.

ಹೀಗೆಂದು ಮಟಿಪ್ಲೆಕ್ಸ್‌ ಅಸೋಸಿಯೇಷನ್‌ ಆಫ್ ಇಂಡಿಯಾ ಟ್ವೀಟ್‌ ಮಾಡಿದ್ದು, ಕುಟುಂಬಸ್ಥರು, ಪ್ರೀತಿಪಾತ್ರರು, ಸ್ನೇಹಿತರ ಜತೆಗೆ ಆಗಮಿಸಿ ಸಿನಿಮಾ ವೀಕ್ಷಿಸುವ ಮೂಲಕ ಆಚರಣೆಯನ್ನು ಸಂಭ್ರಮಿಸಿ ಎಂದು ಮನವಿ ಮಾಡಿದೆ.