ಸೋಮವಾರಪೇಟೆ: ಕಾಡಾನೆಗಳ ಹಾವಳಿ

Team Udayavani, Apr 25, 2022, 5:20 AM IST

ಮಡಿಕೇರಿ : ಸೋಮವಾರಪೇಟೆ ತಾಲೂಕಿನ ಗೌಡಳ್ಳಿ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಹಿರಿಕರ, ಚಿಕ್ಕಾರ, ಕೂಗೂರು ಗಾಮಗಳಲ್ಲಿ ಕಾಡಾನೆಗಳು ನಿರಂತರ ದಾಳಿ ನಡೆಸುತ್ತಿವೆ. ಬಾಳೆ ಮತ್ತು ಕಾಫಿ ಗಿಡಗಳನ್ನು ನಾಶಪಡಿಸಿವೆ. ರವಿವಾರ ಹಿರಿಕರ ಗ್ರಾಮದ ಎಚ್‌.ಪಿ. ಸುರೇಶ್‌ ಅವರ ತೋಟದಲ್ಲಿದ್ದ ನೀರಿನ ಡ್ರಮ್‌ಗಳನ್ನು ತುಳಿದು ಜಖಂಗೊಳಿಸಿವೆ.

ಗ್ರಾಮಗಳಲ್ಲಿ ಆತಂಕದ ವಾತಾವರಣವಿದ್ದು ಅರಣ್ಯ ಇಲಾಖೆ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಮುಖ್ಯರಸ್ತೆಗೆ ಬಂದ ಕಾಡಾನೆ: ಆತಂಕ
ಬಾಳೆಹೊನ್ನೂರು : ಬಾಳೆಹೊನ್ನೂರು-ಕಳಸ ಮುಖ್ಯ ರಸ್ತೆಯ ಮಹಲ್ಗೊàಡು ಬಳಿ ಸಂಜೆ ಎರಡು ಕಾಡಾನೆಗಳು ಕಾಣಿಸಿಕೊಂಡಿದ್ದು, ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.
ಎರಡು ಕಾಡಾನೆಗಳು ಹೆಮ್ಮಕ್ಕಿ ಅರಣ್ಯ ಪ್ರದೇಶದಿಂದ ಭದ್ರಾನದಿ ದಾಟಿ ಮಹಲ್ಗೊಡು ಎಸ್ಟೇಟ್‌ ಒಳಗೆ ತೆರಳಿವೆ. ಇದೇ ರಸ್ತೆಯಲ್ಲಿ ತೆರಳುತ್ತಿದ್ದ ಸ್ಥಳೀಯರಾದ ಹರೀಶ್‌ ಅವರು ತನ್ನ ಮೊಬೈಲ್‌ ಫೋನ್‌ನ‌ಲ್ಲಿ ಕಾಡಾನೆಗಳು ದಾಟುತ್ತಿರುವ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ. ಈ ಬಗ್ಗೆ ಅರಣ್ಯ ಇಲಾಖೆ ಗಮನ ಹರಿಸಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.