ಅರಂತೋಡು :ಕಾಡಿನಿಂದ ಊರಿಗೆ ಬಂದ ಒಂಟಿ ಸಲಗ ; ಈ ಆನೆಯಲ್ಲಿದೆ ಒಂದು ವಿಶೇಷತೆ

Team Udayavani, Jan 28, 2021, 6:37 PM IST

ಅರಂತೋಡು : ಅರಂತೋಡು ಪರಿಸರದ ಪೆರಾಜೆ, ಮೂಲೆಜಲು, ಪೀಚೆ ಭಾಗಗಳಿಗೆ ಕಾಡಾನೆಯೊಂದು ಬುಧವಾರ ಸಂಜೆ ಆಗಮಿಸಿದ್ದು ಇದರ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಪೆರಾಜೆಯ ಮೂಲೆ ಮಜಲು, ಪೀಚೆ, ಬಿಳಿಯಾರು ಭಾಗಗಳಲ್ಲಿ ಕಾಡಾನೆ ನಡೆದಾಡಿದ್ದು ಈ ಸಂದರ್ಭದಲ್ಲಿ ಭಯವಿಲ್ಲದೆ ತಮ್ಮ ತಮ್ಮ ಮೊಬೈಲ್ ಗಲ್ಲಿ ವಿಡಿಯೋ ಮಾಡಿ ಫೋಟೋಗಳನ್ನು ತೆಗೆದಿದ್ದಾರೆ.

ಈ ಆನೆಗೆ ಜನರು ಹೆದರದಿರಲು ಕೂಡಾ ಒಂದು ಕಾರಣವಿದೆ. ಈ ಆನೆ ಪ್ರತಿವರ್ಷ ಡಿಸೆಂಬರ್ ತಿಂಗಳಲ್ಲಿ ಈ ಪರಿಸರದಲ್ಲಿ ನಡೆದುಕೊಂಡು ಬಂದು ಬಿಳಿಯಾರು ಮೂಲಕ ಉಬರಡ್ಕವಾಗಿ ದೊಡ್ಡತೋಟ ಮುಖಾಂತರ ಪುಳಿಕುಕ್ಕು ಮೂಲಕ ಕೊಂಬರಿಗೆ ಹೋಗುತ್ತದೆ ಹಾಗಾಗಿ ಜನರಿಗೆ ಆನೆಯ ಪರಿಚಯ ಇದೆ.

ಇದನ್ನೂ ಓದಿ:ಕಾಟಿಪಳ್ಳ : ಬೈಕ್ ಸವಾರನಿಗೆ ಚೂರಿ ಇರಿತ ಪ್ರಕರಣ ; ಸುರತ್ಕಲ್ ಪೊಲೀಸರಿಂದ ಮೂವರ ಬಂಧನ

ಕೆಲ ಸಮಯದ ಬಳಿಕ ಆನೆ ಆ ಕಡೆಯಿಂದ ಇತ್ತ ಹಿಂದಿರುಗುತ್ತದೆ. ಈ ವರ್ಷ ಸಲಗ ಬರುವಾಗ ಸ್ವಲ್ಪ ತಡವಾಗಿ ಜನವರಿ ತಿಂಗಳ ಕೊನೆಯಲ್ಲಿ ತನ್ನ ಸಂಚಾರ ಆರಂಭಿಸಿದೆ. ಕೃಷಿಕರಿಗೆ ಯಾವುದೇ ತೊಂದರೆ ಉಂಟು ಮಾಡದೆ ಈ ರೀತಿ ಪ್ರತಿ ವರ್ಷ ಸಂಚಾರ ಮಾಡುವುದು ಜನರ ಕುತೂಹಲಕ್ಕೆ ಕಾರಣವಾಗಿದೆ.