Women’s cricket: ಕಾಶ್ಮೀರಕ್ಕೆ ಕಾಲಿಟ್ಟ ಮಹಿಳಾ ಕ್ರಿಕೆಟ್‌

Team Udayavani, Aug 20, 2023, 12:46 AM IST

ಶ್ರೀನಗರ: ಶೇರ್‌-ಇ-ಕಾಶ್ಮೀರ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕಾಶ್ಮೀರಿ ವನಿತೆಯರ ಕ್ರಿಕೆಟ್‌ ಲೀಗ್‌ನಲ್ಲಿ ಶೋಪಿಯಾನ್‌ ಮತ್ತು ಹಂದ್ವಾರಾ ತಂಡಗಳ ನಡುವೆ ನಡೆದ ಪಂದ್ಯದ ಒಂದು ದೃಶ್ಯ. ಕಣಿವೆ ರಾಜ್ಯದಲ್ಲಿ ವನಿತೆಯರ ಕ್ರಿಕೆಟ್‌ ಪಂದ್ಯಾಟ ನಡೆಯುತ್ತಿರುವುದು ಇದೇ ಮೊದಲು. ಭಾರತೀಯ ಸೇನೆ ಆಯೋಜಿಸಿರುವ ಈ ಕೂಟ ಆ. 19ರಂದು ಆರಂಭಗೊಂಡಿದ್ದು, 26ರ ವರೆಗೆ ನಡೆಯಲಿದೆ. ಆ. 26ರಂದು ಫೈನಲ್‌ ಪಂದ್ಯ ನಡೆಯಲಿದ್ದು, ದೇಶದ ಹೆಸರಾಂತ ಆಟಗಾರ್ತಿ ಮಿಥಾಲಿ ರಾಜ್‌ ಪಾಲ್ಗೊಳ್ಳಲಿದ್ದಾರೆ.

ನಾನು ನನ್ನ ಮನೆಯಿಂದ ಕ್ರಿಕೆಟ್‌ ಆಡುವುದಕ್ಕಾಗಿ ಹೊರಬಂದದ್ದು ಇದೇ ಮೊದಲು. ನನಗೆ ಬಹಳ ರೋಮಾಂಚನವಾಗಿದೆ ಮತ್ತು ಪ್ರತೀ ಪಂದ್ಯವನ್ನು ಗೆಲ್ಲಲು ಶಕ್ತಿಮೀರಿ ಶ್ರಮಿಸುವೆ. ಇಂತಹ ಇನ್ನಷ್ಟು ಕೂಟಗಳು ನಡೆಯಲಿ. ಒಂದಲ್ಲ ಒಂದು ದಿನ ನಾವು ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೂ ಪಾದಾರ್ಪಣೆ ಮಾಡಲಿದ್ದೇವೆ.
-ಅಫ್ರೀನ್‌, ಕಾಶ್ಮೀರಿ ಕ್ರಿಕೆಟ್‌ ಆಟಗಾರ್ತಿ