World Badminton Championship: ತ್ರೀಸಾ-ಗಾಯತ್ರಿ ಜೋಡಿಗೆ ಮುನ್ನಡೆ

Team Udayavani, Aug 23, 2023, 11:14 PM IST

ಕೋಪನ್‌ಹೆಗನ್‌ (ಡೆನ್ಮಾರ್ಕ್‌: ತ್ರೀಸಾ ಜಾಲಿ-ಗಾಯಿತ್ರಿ ಗೋಪಿಚಂದ್‌ ವಿಶ್ವ ಬ್ಯಾಡ್ಮಿಂಟನ್‌ ಚಾಂಪಿಯನ್‌ಶಿಪ್‌ ವನಿತಾ ಡಬಲ್ಸ್‌ ವಿಭಾಗದಲ್ಲಿ ಪ್ರಿ ಕ್ವಾರ್ಟರ್‌ ಫೈನಲ್‌ ಹಂತಕ್ಕೆ ಏರಿದ್ದಾರೆ.

ಬುಧವಾರದ ಪಂದ್ಯದಲ್ಲಿ ವಿಶ್ವದ 19ನೇ ರ್‍ಯಾಂಕಿಂಗ್‌ ಜೋಡಿಯಾದ ತ್ರೀಸಾ-ಗಾಯತ್ರಿ ಚೈನೀಸ್‌ ತೈಪೆಯ 37ನೇ ರ್‍ಯಾಂಕಿಂಗ್‌ನ ಚಾಂಗ್‌ ಚಿಂಗ್‌ ಹೀ-ಯಾಂಗ್‌ ಚಿನ್‌ ಟುನ್‌ ವಿರುದ್ಧ 21-18, 21-10 ಅಂತರದ ಗೆಲುವು ಸಾಧಿಸಿದರು.

ತ್ರೀಸಾ-ಗಾಯತ್ರಿ ಜೋಡಿಗೆ ಮೊದಲ ಸುತ್ತಿನ ಬೈ ಲಭಿ ಸಿತ್ತು. ಆದರೆ ಮುಂದಿನ ಸುತ್ತಿನಲ್ಲಿ ಚೀನದ ಚೆನ್‌ ಕ್ವಿಂಗ್‌ ಚೆನ್‌-ಜಿಯಾ ಯಿ ಫಾನ್‌ ಅವರ ಕಠಿನ ಸವಾಲು ಎದುರಾಗಲಿದೆ.

ಚಿರಾಗ್‌ ಜೋಡಿಗೆ ಜಯ
ಪುರುಷರ ಡಬಲ್ಸ್‌ನಲ್ಲಿ ಚಿರಾಗ್‌ ಶೆಟ್ಟಿ-ಸಾತ್ವಿಕ್‌ ಸಾಯಿರಾಜ್‌ ರಾಂಕಿ ರೆಡ್ಡಿ ಕೂಡ ಪ್ರಿ ಕ್ವಾರ್ಟರ್‌ ಫೈನಲ್‌ ತಲುಪಿದ್ದಾರೆ. ಇವರು ಆಸ್ಟ್ರೇಲಿಯದ ಕೆನೆತ್‌ ಜೇ ಹೂಯಿ ಚೂ-ಮಿಂಗ್‌ ಚುಯೆನ್‌ ಲಿಮ್‌ ವಿರುದ್ಧ 21-16, 21-9 ಅಂತರದ ಜಯ ಸಾಧಿಸಿದರು.