ವಿರಾಟ್‌ ಕೊಹ್ಲಿ ವಿಶಿಷ್ಟ ಬ್ಯಾಟಿಂಗ್‌ ಸಾಧನೆ

Team Udayavani, Apr 8, 2019, 6:10 AM IST

ಬೆಂಗಳೂರು: ಆರ್‌ಸಿಬಿ ಸತತ 6ನೇ ಸೋಲನುಭವಿಸಿದರೂ ತಂಡದ ನಾಯಕ ವಿರಾಟ್‌ ಕೊಹ್ಲಿ ವಿಶಿಷ್ಟ ಬ್ಯಾಟಿಂಗ್‌ ಸಾಧನೆ ಮೂಲಕ ಗಮನ ಸೆಳೆದಿದ್ದಾರೆ.

ರವಿವಾರದ ಡೆಲ್ಲಿ ಕ್ಯಾಪಿಟಲ್ಸ್‌ ಎದುರಿನ ಪಂದ್ಯದ ವೇಳೆ ಅವರು ಒಂದೇ ಐಪಿಎಲ್‌ ತಂಡದ ವಿರುದ್ಧ 800 ರನ್‌ ಪೇರಿಸಿದ ಕೇವಲ 2ನೇ ಆಟಗಾರನೆನಿಸಿದರು. ಮೂಲತಃ ದಿಲ್ಲಿಯವರಾದ ಕೊಹ್ಲಿ ಡೆಲ್ಲಿ ತಂಡದ ವಿರುದ್ಧವೇ (ಡೆಲ್ಲಿ ಡೇರ್‌ಡೆವಿಲ್ಸ್‌/ಡೆಲ್ಲಿ ಕ್ಯಾಪಿಟಲ್ಸ್‌) ಈ ಸಾಧನೆ ಮಾಡಿದ್ದು ವಿಶೇಷ.

ಇಂಥದೊಂದು ಬ್ಯಾಟಿಂಗ್‌ ಸಾಧನೆಯನ್ನು ಮೊದಲು ದಾಖಲಿಸಿದವರು ಸುರೇಶ್‌ ರೈನಾ. ಅವರು ಮುಂಬಯಿ ಇಂಡಿಯನ್ಸ್‌ ವಿರುದ್ಧ ರನ್‌ ಸುರಿಮಳೆ ಹರಿಸಿದ್ದರು.

ರಸೆಲ್‌ ಸಿಕ್ಸರ್‌ ದಾಖಲೆ
ಶನಿವಾರ ರಾತ್ರಿ ಆರ್‌ಸಿಬಿ ವಿರುದ್ಧ ಸಿಕ್ಸರ್‌ ಅಟ್ಟಹಾಸ ಮೆರೆದ ಆ್ಯಂಡ್ರೆ ರಸೆಲ್‌ 2019ರ ಟಿ20 ಕ್ರಿಕೆಟ್‌ನಲ್ಲಿ ಅತ್ಯಧಿಕ ಸಿಕ್ಸರ್‌ ಬಾರಿಸಿದ ದಾಖಲೆ ಸ್ಥಾಪಿಸಿದ್ದಾರೆ. ಅವರ ಈ ವರ್ಷದ ಸಿಕ್ಸರ್‌ಗಳ ಸಂಖ್ಯೆ 59ಕ್ಕೆ ಏರಿದೆ.