ಎಂಚಿನ ಫೀಲ್ಡಿಂಗ್ ಮಾರ್ರೆ:ಪೂರನ್ ಫೀಲ್ಡಿಂಗ್ ಕಂಡು ತುಳು ಟ್ವೀಟ್ ಮಾಡಿದ ಸ್ಟಾರ್ ಸ್ಪೋರ್ಟ್ಸ್

Team Udayavani, Sep 28, 2020, 8:38 AM IST

ಶಾರ್ಜಾ: ಕಿಂಗ್ಸ್ ಇಲೆವೆನ್ ಪಂಜಾಬ್ ಮತ್ತು ರಾಜಸ್ಥಾನ ರಾಯಲ್ಸ್ ನಡುವಿನ ಐಪಿಎಲ್ ಪಂದ್ಯ ಬ್ಯಾಟಿಂಗ್ ಮೇಲಾಟಕ್ಕೆ ಸಾಕ್ಷಿಯಾಯಿತು. ಶಾರ್ಜಾ ಅಂಗಳದಲ್ಲಿ ಬೌಂಡರಿ ಸಿಕ್ಸರ್ ಗಳ ಮಳೆಯೇ ಸುರಿಯಿತು. ಆದರೆ ಇದಕ್ಕೆಲ್ಲಾ ಮಿಗಿಲಾಗಿ ಮಿಂಚಿದ್ದು ನಿಕೋಲಸ್ ಪೂರನ್ ರ ಆ ಒಂದು ಫೀಲ್ಡಿಂಗ್.

ಸಿಕ್ಸರ್ ಹೋಗುತ್ತಿದ್ದ ಚೆಂಡನ್ನು ಹಾರಿ ಮೈದಾನಕ್ಕೆ ತಳ್ಳಿದ ನಿಕೋಲಸ್ ಪೂರನ್ ಅದ್ಭುತ ಸಾಹಸವನ್ನೇ ಮಾಡಿದ್ದರು. ಕ್ರಿಕೆಟ್ ಪಂಡಿತರಾದಿಯಾಗಿ ಅಭಿಮಾನಿಗಳು ಪೂರನ್ ಫೀಲ್ಡಿಂಗ್ ಗೆ ಹರ್ಷ ವ್ಯಕ್ತಪಡಿಸಿದ್ದಾರೆ.

ಸ್ಟಾರ್ ಸ್ಪೋರ್ಟ್ಸ್ ಕನ್ನಡ ತುಳು ಟ್ವೀಟ್:  ಪೂರನ್ ಫೀಲ್ಡಿಂಗ್ ನೋಡಿ ಸಂತಸಗೊಂಡ ಕ್ರಿಕೆಟ್ ಲೆಜೆಂಡ್ ಸಚಿನ್ ತೆಂಡೂಲ್ಕರ್ “ ಇದು ನನ್ನ ಜೀವನದಲ್ಲಿ ಕಂಡ ಅತ್ಯುತ್ತಮ ಸೇವ್ “ಎಂದು ಟ್ವೀಟ್ ಮಾಡಿದ್ದಾರೆ. ಇದನ್ನು ರಿಟ್ವೀಟ್ ಮಾಡಿರುವ ಸ್ಟಾರ್ ಸ್ಪೋರ್ಟ್ಸ್ ಕನ್ನಡ, ಶೇ.. ಎಂಚಿನ ಫೀಲ್ಡಿಂಗ್ ಮಾರ್ರೆ.. ( ಎಂತಹ ಫೀಲ್ಡಿಂಗ್) ಎಂದು ಬರೆದುಕೊಂಡಿದೆ.

ಶೇ.. ಎಂಚಿನ ಫೀಲ್ಡಿಂಗ್ ಮಾರ್ರೆ…! ??? #RRvKXIP https://t.co/2dJ6C5VIQU

— Star Sports Kannada (@StarSportsKan) September 27, 2020

ರವಿವಾರ ರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್, ಮಯಾಂಕ್ ಅಗರ್ವಾಲ್ ಶತಕದ ನೆರವಿನಿಂದ 223 ರನ್ ಪೇರಿಸಿತ್ತು. ಆದರೆ ಚೇಸ್ ಮಾಡಲಿಳಿಸದ ರಾಜಸ್ಥಾನ ತಂಡ ಸಂಜು ಸ್ಯಾಮ್ಸನ್ ಮತ್ತು ಕೊನೆಯಲ್ಲಿ ಅಬ್ಬರಿಸಿದ ರಾಹುಲ್ ತಿವಾಟಿಯಾ ಸಹಾಯದಿಂದ ವಿಜಯಿಯಾಯಿತು.