Andhra Pradesh; ಅಣ್ಣ ಜಗನ್‌ ಬಳಿ 80 ಕೋಟಿ ಸಾಲ ಮಾಡಿರುವ ಶರ್ಮಿಳಾ!

Team Udayavani, Apr 23, 2024, 6:46 AM IST

ಅಮರಾವತಿ: ಆಂಧ್ರಪ್ರದೇಶ ಕಾಂಗ್ರೆಸ್‌ ಅಧ್ಯಕ್ಷೆ ವೈ.ಎಸ್‌. ಶರ್ಮಿಳಾ ಅವರು ತಮ್ಮ ಸೋದರ, ಮುಖ್ಯಮಂತ್ರಿ ಜಗನ್‌ ಮೋಹನ ರೆಡ್ಡಿ ಅವರ ಬಳಿ 80 ಕೋಟಿ ರೂ. ಸಾಲ ಮಾಡಿರು ವುದಾಗಿ ತಿಳಿಸಿದ್ದಾರೆ. ಕಡಪಾ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿ ಸಿರುವ ಅವರು, ನಾಮಪತ್ರ ಸಲ್ಲಿಕೆ ವೇಳೆ ಸಲ್ಲಿಸಿರುವ ಅಫಿದವಿತ್‌ನಲ್ಲಿ ಈ ವಿಷಯ ತಿಳಿಸಿದ್ದಾರೆ.

ಕುಟುಂಬ ಆಸ್ತಿಯನ್ನು 168 ಕೋಟಿ ರೂ. ಎಂದು ಘೋಷಿಸಿಕೊಂಡಿದ್ದಾರೆ. ಅಲ್ಲದೇ ಜಗನ್‌ ಅವರ ಪತ್ನಿ ಭಾರತಿ ರೆಡ್ಡಿ ಅವರ ಬಳಿಯೂ ಸಹ 19.56 ಕೋಟಿ ರೂ. ಸಾಲ ಹೊಂದಿರುವುದಾಗಿ ತಿಳಿಸಿದ್ದಾರೆ. “ಭಾರತದ ಸಮಾಜದಲ್ಲಿ ಸೋದರಿಗೆ ಸೇರಬೇಕಾದ ಆಸ್ತಿಯನ್ನು ಹಾಗೆಯೇ ನೀಡಲಾಗುತ್ತದೆ. ಆದರೆ ಕೆಲವು ವ್ಯಕ್ತಿಗಳು ಅದನ್ನು ಸಾಲದ ರೂಪದಲ್ಲಿ ನೀಡುತ್ತಾರೆ ಎಂದು ಜಗನ್‌ರನ್ನು ಟೀಕಿಸಿದ್ದಾರೆ.

ಜಗನ್‌ ಆಸ್ತಿ: 529 ಕೋಟಿ
ಕಳೆದ 5 ವರ್ಷಗಳಲ್ಲಿ ಆಂಧ್ರ ಸಿಎಂ ಜಗನ್‌ ಮೋಹನ ರೆಡ್ಡಿ ಆಸ್ತಿ ಶೇ.41ರಷ್ಟು ಹೆಚ್ಚಳವಾಗಿದ್ದು, 529.5 ಕೋಟಿ ರೂ.ಗೆ ತಲುಪಿದೆ. ಜಗನ್‌ ಅಫಿದವಿತ್‌ನಲ್ಲಿ ಈ ವಿವರಗಳನ್ನು ತಿಳಿಸಿದ್ದಾರೆ. ಅಲ್ಲದೇ ಜಗನ್‌ ಅವರ ಪತ್ನಿ ಭಾರತಿ ರೆಡ್ಡಿ ಅವರ ಬಳಿ 176.3 ಕೋಟಿ ರೂ. ಆಸ್ತಿ ಇದೆ.