BJP successor; ದೇಶದ ಜನರೇ ನನ್ನ ಉತ್ತರಾಧಿಕಾರಿ: ಪ್ರಧಾನಿ ನರೇಂದ್ರ ಮೋದಿ

Team Udayavani, May 19, 2024, 1:48 AM IST

ಹೊಸದಿಲ್ಲಿ: ತನ್ನ ಮತಬ್ಯಾಂಕ್‌ ಕಾಪಾಡಿಕೊ ಳ್ಳಲು ಐಎನ್‌ಡಿಐಎ ಯಾವ ಹಂತಕ್ಕಾ ದರೂ ಹೋಗುತ್ತದೆ. 2014ರ ಚುನಾವಣೆ ವೇಳೆ ಕಾಂಗ್ರೆಸ್‌ ಸರಕಾರವು ಹೊಸದಿಲ್ಲಿಯ 123 ಪ್ರಮುಖ ಸ್ಥಳಗಳನ್ನು ವಕ್ಫ್ ಬೋರ್ಡ್‌ಗೆ ಹಸ್ತಾಂತರಿಸಿದೆ. ಕಾಂಗ್ರೆಸ್‌ ಮತ್ತು ಆಪ್‌ ಅವಕಾಶವಾದಿ ಮೈತ್ರಿ ಮಾಡಿ ಕೊಂಡಿದ್ದು, ಪರಸ್ಪರ ಭ್ರಷ್ಟಾಚಾರವನ್ನು ಕಾಯುತ್ತಿವೆ ಎಂದು ಪ್ರಧಾನಿ ನರೇಂದ್ರ ಮೋದಿ ಆರೋಪಿಸಿದರು.

ಹೊಸದಿಲ್ಲಿಯಲ್ಲಿ ಮೊದಲ ಬಾರಿಗೆ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಮೋದಿ, 75ನೇ ವರ್ಷಕ್ಕೆ ಮೋದಿ ನಿವೃತ್ತರಾಗಲಿದ್ದಾ ರೆಂಬ ಕೇಜ್ರಿವಾಲ್‌ ಅವರ ಹೇಳಿಕೆಗೆ ಪರೋಕ್ಷವಾಗಿ ಪ್ರತಿಕ್ರಿಯಿಸಿದರು. ಒಂದು ವೇಳೆ ನನ್ನ ಉತ್ತರಾಧಿಕಾರಿ ಯಾರಾದರೂ ಇದ್ದರೆ ಅವರು ದೇಶದ 140 ಕೋಟಿ ಜನರು ಎಂದು ಹೇಳಿದರು. ದಿಲ್ಲಿಯನ್ನು ನಾಶ ಮಾಡಲು ಕಾಂಗ್ರೆಸ್‌ ಮತ್ತು ಆಪ್‌ ಪಣ ತೊಟ್ಟಿವೆ. ಜನರ ವಿಶ್ವಾಸ ಹಾಳಾಗಲು ಮತ್ತು ರಾಜ ಕೀಯ ಗುಣಮಟ್ಟ ಕುಸಿ ಯಲು ಕಾಂಗ್ರೆಸ್‌, ಆಪ್‌ ಕಾರಣ ಎಂದು ದೂರಿದರು.

ಪೌರತ್ವ ತಿದ್ದುಪಡಿ ಕಾಯ್ದೆ ಸಂಬಂಧ 2020ರ ದಿಲ್ಲಿ ದಂಗೆಗೆ ಆಪ್‌ ಮತ್ತು ಕಾಂಗ್ರೆಸ್‌ ಕಾರಣ ಎಂದು ಪ್ರಧಾನಿ ಮೋದಿ ಆರೋಪಿಸಿದರು. ಯಾರು ಭ್ರಷ್ಟಾ ಚಾರವನ್ನು ಮಟ್ಟ ಹಾಕಲು ಬಂದಿದ್ದರೋ ಅವರೇ ಇಂದು ಸಾವಿರಾರು ಕೋಟಿ ರೂ.ಹಗರಣದಲ್ಲಿ ಸಿಲುಕಿಕೊಂಡಿ ದ್ದಾರೆ ಎಂದು ದಿಲ್ಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ ಅವರ ವಿರುದ್ಧ ಕಿಡಿ ಕಾರಿದರು.

ಮುಸ್ಲಿಮ್‌ ಪರ ಕಾಂಗ್ರೆಸ್‌ ರಾಜಕಾರಣವನ್ನು ಟೀಕಿಸಿದ ಮೋದಿ, ತನ್ನ ವೋಟ್‌ ಬ್ಯಾಂಕ್‌ ರಾಜಕಾರಣಕ್ಕಾಗಿ 2014ರಲ್ಲಿ ಕಾಂಗ್ರೆಸ್‌, ವೋಟ್‌ ಜೆಹಾದಿ ಮಾಡಿ ಎನ್ನುವವರ ಜತೆ ಕೈಜೋಡಿಸಿದ್ದರು ಎಂದರು.

ಮೋದಿ ಚರ್ಚೆಗೆ ಬರಲ್ಲ: ರಾಹುಲ್‌ ಗಾಂಧಿ ವ್ಯಂಗ್ಯ
ಪ್ರಧಾನಿ ನರೇಂದ್ರ ಮೋದಿ ತಮ್ಮ ನೆಚ್ಚಿನ ಪತ್ರಕರ್ತರಿಗೆ ಸಾಲು ಸಾಲು ಸಂದರ್ಶನ ನೀಡುತ್ತಿದ್ದಾರೆ. ಆದರೆ ನನ್ನೊಂದಿಗೆ ಚರ್ಚೆ ಮಾಡಲು ತಯಾರಿಲ್ಲ. ಯಾಕೆಂದರೆ ಅದಾನಿಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಮೋದಿ ಬಳಿ ಉತ್ತರವೇ ಇಲ್ಲ ಎಂದು ರಾಹುಲ್‌ ಗಾಂಧಿ ಲೇವಡಿ ಮಾಡಿದರು.

ದಿಲ್ಲಿಯಲ್ಲಿ ಆಯೋಜಿಸಲಾಗಿದ್ದ ಚುನಾವಣ ರ್ಯಾಲಿಯಲ್ಲಿ ಮಾತನಾಡಿದ ರಾಹುಲ್‌ ಗಾಂಧಿ, ಅದಾನಿ-ಅಂಬಾನಿ ಯಿಂದ ಕಾಂಗ್ರೆಸ್‌ ಟೆಂಪೋ ತುಂಬ ಹಣ ಪಡೆದಿದೆ ಎಂದು ಆರೋಪಿಸುತ್ತಾರೆ. ಆದರೆ ಈ ಕುರಿತು ತನಿಖೆ ನಡೆಸುವ ಧೈರ್ಯವಿಲ್ಲ ಎಂದು ಹೀಗಳೆದರು.

ಪ್ರಧಾನಿ ಜತೆ ಚರ್ಚೆಗೆ ಸಿದ್ಧ. ನನ್ನ ಮೊದಲನೇ ಪ್ರಶ್ನೆ ಅದಾನಿ ಜತೆಗಿನ ಸಂಬಂಧ ಯಾವ ರೂಪದ್ದು ಮತ್ತು 2ನೇ ಪ್ರಶ್ನೆ ಚುನಾವಣೆ ಬಾಂಡ್‌ಗಳ ಕುರಿತಾಗಿ ರುತ್ತದೆ ಎಂದು ರಾಹುಲ್‌ ಗಾಂಧಿ ಹೇಳಿದರು.

ನಮಗೆ ಹೇಡಿಗಳು ಬೇಡ:

ನಮಗೆ ಹೇಡಿಗಳು ಬೇಡ. ನಮಗೆ ಬಬ್ಬರ್‌ ಶೇರ್‌(ಸಿಂಹ)ಗಳು ಬೇಕು. ಸಿಬಿಐ-ಇ.ಡಿ.ಗೆ ಹೆದರುವವರು ನಮಗೆ ಬೇಡ ಎಂದು ಕಾಂಗ್ರೆಸ್‌ ಬಿಟ್ಟು ಬಿಜೆಪಿ ಸೇರುತ್ತಿರುವ ನಾಯಕರ ಬಗ್ಗೆ ರಾಹುಲ್‌ ಹೇಳಿದರು.

ಐಎನ್‌ಡಿಐಎ ಅಧಿಕಾರಕ್ಕೆ ಬರುತ್ತಿದ್ದಂತೆ ಅಗ್ನಿವೀರ ಯೋಜನೆ ರದ್ದು ಮಾಡುತ್ತೇವೆ, ಜಿಎಸ್‌ಟಿಯನ್ನು ಸರಳಗೊಳಿ ಸುತ್ತೇವೆ. ದೊಡ್ಡ ಉದ್ಯಮಿಗಳಿಗಿಂತಲೂ ಚಿಕ್ಕ ಉದ್ಯಮಗಳಿಗೆ ನೆರವು ನೀಡುತ್ತೇವೆ ಎಂದು ಹೇಳಿದರು. ದಿಲ್ಲಿಯ ಎಲ್ಲ ಏಳೂ ಕ್ಷೇತ್ರ ಗೆಲ್ಲಲು ಕಾಂಗ್ರೆಸ್‌ ಮತ್ತು ಆಪ್‌ ಕಾರ್ಯಕರ್ತರು ಕೂಡಿ ಕೆಲಸ ಮಾಡಬೇಕು ಎಂದು ಹೇಳಿದರು.