Stage ಕುಸಿತ: ಅಪಾಯದಿಂದ ಅದೃಷ್ಟವಶಾತ್‌ ರಾಹುಲ್‌ ಗಾಂಧಿ ಪಾರು: Watch Video

Team Udayavani, May 28, 2024, 6:30 AM IST

ಪಟ್ನಾ: ಬಿಹಾರದ ಚುನಾವಣ ರ್ಯಾಲಿಯೊಂದರಲ್ಲಿ ಸೋಮವಾರ ಕಾಂಗ್ರೆಸ್‌ ಮಾಜಿ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರಿದ್ದ ವೇದಿಕೆಯ ಭಾಗ ಕುಸಿದಿದೆ. ಅದೃಷ್ಟವಶಾತ್‌ ಅವರು ಅಪಾಯದಿಂದ ಪಾರಾಗಿ ದ್ದಾರೆ. ಆರ್‌ಜೆಡಿ ಮುಖ್ಯಸ್ಥ ಲಾಲೂ ಪ್ರಸಾದ್‌ ಯಾದವ್‌ ಅವರ ಪುತ್ರಿ ಮಿಸಾ ಭಾರ್ತಿ ಪರ ಪ್ರಚಾರ ಕ್ಕೆಂದು ರಾಹುಲ್‌ ಪಲಿಗಂಜ್‌ಗೆ ತೆರಳಿದ್ದರು.

ಸಭೆಯಲ್ಲಿ ರಾಹುಲ್‌ ವೇದಿಕೆ ಮೇಲೆ ನಡೆದು ಬರುತ್ತಿದ್ದಂತೆಯೇ ವೇದಿಕೆಯ ಒಂದು ಭಾಗ ಕುಸಿದು ಅವರು ಆಯ ತಪ್ಪಿದ್ದಾರೆ. ತತ್‌ಕ್ಷಣ ಮಿಸಾ ಭಾರ್ತಿ ರಾಹುಲ್‌ ಗಾಂಧಿ ಕೈ ಹಿಡಿದು ಅವರು ಬೀಳದಂತೆ ತಡೆದಿದ್ದಾರೆ.
ಅಧಿಕಾರಕ್ಕೆ ಬಂದರೆ ಅಗ್ನಿಪಥ ರದ್ದು: “ಪ್ರಧಾನಿ ಮೋದಿ ಸೈನಿಕರನ್ನು ಕಾರ್ಮಿಕರನ್ನಾಗಿ ಪರಿವರ್ತಿಸಿ ದ್ದಾರೆ. ಸೇನೆಯಲ್ಲೇ ಒಂದನ್ನು ಸೇನೆ, ಮತ್ತೂಂದು ಅಗ್ನಿವೀರರು ಎಂದು ಪ್ರತ್ಯೇಕಿಸಿದ್ದಾರೆ. ನಾವು ಅಗ್ನಿಪಥ ರದ್ದು ಮಾಡುತ್ತೇವೆಂದು ರಾಹುಲ್‌ ಹೇಳಿದ್ದಾರೆ.

VIDEO | A portion of the stage set for Rahul Gandhi’s rally in Bihar’s Paliganj collapsed as the Congress MP arrived with other party leaders. #LSPolls2024WithPTI #LokSabhaElections2024 pic.twitter.com/lDeQjTUnq6

— Press Trust of India (@PTI_News) May 27, 2024