Times Now-ETG ರಿಸರ್ಚ್‌ ಸಮೀಕ್ಷೆ: ಎನ್‌ಡಿಎ 400 ಸೀಟು ಗೆಲ್ಲುವ ಗುರಿ ತಲುಪುವುದು ಕಷ್ಟ

Team Udayavani, Apr 6, 2024, 6:20 AM IST

ಹೊಸದಿಲ್ಲಿ: ಲೋಕಸಭೆ ಚುನಾವಣ ಪ್ರಚಾರ ಕಾವೇರುತ್ತಿರುವ ಹೊತ್ತಿನಲ್ಲೇ ಮತ್ತೂಂದು ಸಮೀಕ್ಷೆ ಬಿಜೆಪಿ ನೇತೃತ್ವದ ಎನ್‌ಡಿಎಗೆ ಸ್ಪಷ್ಟ ಜಯ ಸಿಗಲಿದೆ ಎಂದು ಹೇಳಿದೆ. “ಟೈಮ್ಸ್‌ ನೌ’ -ಇಟಿಜಿ ರಿಸರ್ಚ್‌ ಸಮೀಕ್ಷೆಯಲ್ಲಿ ಈ ಚುನಾವಣೆಯಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎ 370 ಸ್ಥಾನ ಗೆಲ್ಲಲಿದೆ ಭವಿಷ್ಯ ನುಡಿದಿದೆ. ಆದರೆ ಬಿಜೆಪಿಯ “400 ಸೀಟು’ ಗೆಲ್ಲುವ ಗುರಿ ತಲುಪುವುದು ಕಷ್ಟ ಸಾಧ್ಯ ಎಂದಿದೆ.

ಬಿಜೆಪಿ 329ರಿಂದ 350, ಕಾಂಗ್ರೆಸ್‌ 27ರಿಂದ 47, ವೈಎಸ್‌ಆರ್‌ ಕಾಂಗ್ರೆಸ್‌ 21ರಿಂದ 22, ಡಿಎಂಕೆ 24ರಿಂದ 28, ಟಿಎಂಸಿ 17ರಿಂದ 21, ಬಿಜೆಡಿ 10ರಿಂದ 12, ಆಪ್‌ 5ರಿಂದ 7 ಮತ್ತು ಇತರರು 72ರಿಂದ 92 ಕ್ಷೇತ್ರಗಳಲ್ಲಿ ಜಯ ಗಳಿಸಲಿದ್ದಾರೆ ಎಂದು ಸಮೀಕ್ಷೆ ತಿಳಿಸಿದೆ. ಸಮೀಕ್ಷೆಯಲ್ಲಿ ಭಾಗಿಯಾದವರ ಪೈಕಿ ಶೇ.91ರಷ್ಟು ಮಂದಿ ಬಿಜೆಪಿ ನೇತೃತ್ವದ ಎನ್‌ಡಿಎ 3ನೇ ಬಾರಿಗೆ ಅಧಿಕಾರಕ್ಕೇರಲಿದೆ ಎಂದು ಹೇಳಿದ್ದಾರೆ. ಶೇ.45ರಷ್ಟು ಮಂದಿ ಎನ್‌ಡಿಎ 300ಕ್ಕೂ ಅಧಿಕ ಹೆಚ್ಚು ಸೀಟು ಗೆಲ್ಲಲಿದೆ ಎಂದಿದ್ದರೆ, ಶೇ.14ಕ್ಕೂ ಹೆಚ್ಚು ಜನ 400ರ ಗಡಿ ದಾಟಬಹುದು ಎಂದು ಊಹಿಸಿದ್ದಾರೆ.

ನರೇಂದ್ರ ಮೋದಿ ಅವರು ಮತ್ತೆ ಪ್ರಧಾನಿಯಾಗ ಲಿದ್ದಾರೆಂದು ಶೇ.64 ಮಂದಿ ಅಭಿಪ್ರಾಯಪಟ್ಟರೆ, ಶೇ.17ರಷ್ಟು ಜನರು ರಾಹಲ್‌ ಗಾಂಧಿ ಅವರತ್ತ ಒಲವು ತೋರಿದ್ದಾರೆ. ಫೆಬ್ರವರಿ ತಿಂಗಳಲ್ಲಿ ಈ ಸಮೀಕ್ಷೆಯನ್ನು ಕೈಗೊಳ್ಳಲಾಗಿದೆ.