Viral IIT Baba; ಸನ್ಯಾಸ ತೊರೆದು ಮನೆಗೆ ಹಿಂದಿರುಗಬೇಕೆಂದು ಬಯಸಿದ ಹೆತ್ತವರು

Team Udayavani, Jan 16, 2025, 6:41 PM IST

ಪ್ರಯಾಗ್ ರಾಜ್ : ಮಹಾಕುಂಭದಲ್ಲಿ ಭಾರೀ ಸುದ್ದಿಯಾದ ಮಾಜಿ ಏರೋಸ್ಪೇಸ್ ಇಂಜಿನಿಯರ್
‘ಐಐಟಿ ಬಾಬಾ’ ಅಭಯ್ ಸಿಂಗ್ ಅವರು ಸನ್ಯಾಸ ತೊರೆದು ಮನೆಗೆ ಮರಳಬೇಕು ಎಂದು ಕುಟುಂಬ ಒತ್ತಾಯಿಸಿದೆ.

ಅಭಯ್ ಸಿಂಗ್ ಅವರ ತಂದೆ, ಹರಿಯಾಣದ ಜಜ್ಜರ್‌ನ ವಕೀಲ ಕರಣ್ ಗ್ರೆವಾಲ್ ಅವರು ಪುತ್ರ ಮನೆಗೆ ಮರಳಬೇಕು ಎಂದಿದ್ದಾರೆ. ನಮ್ಮ ಕುಟುಂಬ ಮನೆಗೆ ಮರಳಬೇಕೆಂದು ಬಯಸುತ್ತಿದೆ. ಆದರೆ ತುಂಬಾ ಸಾಧಿಸಿದ ನಂತರ, ಅವನು ಹಿಂತಿರುಗುವುದು ಸುಲಭವಲ್ಲ” ಎಂದೂ ಹೇಳಿದ್ದಾರೆ.

ಅಭಯ್ ಸಿಂಗ್ ಯಾವಾಗಲೂ ಶೈಕ್ಷಣಿಕ ಕ್ಷೇತ್ರದಲ್ಲಿ ಅಸಾಧಾರಣ ಮತ್ತು ಅತ್ಯುತ್ತಮವಾಗಿದ್ದ. ಐಐಟಿ ಬಾಂಬೆಯಲ್ಲಿ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ ಸ್ನಾತಕೋತ್ತರ ಪದವಿಯನ್ನು ಪಡೆದ. ದೆಹಲಿ ಮತ್ತು ಕೆನಡಾದಲ್ಲಿ ಕೆಲಸ ಮಾಡಿದ. ಅಂತಿಮವಾಗಿ ಕೆನಡಾವನ್ನು ತೊರೆದು ಭಾರತಕ್ಕೆ ಮರಳಿ, ಶಿಮ್ಲಾ, ಮಸ್ಸೂರಿ ಮತ್ತು ಧರ್ಮಶಾಲಾದಂತಹ ಆಧ್ಯಾತ್ಮಿಕ ಸ್ಥಳಗಳಲ್ಲಿ ಧ್ಯಾನದಲ್ಲಿ ತೊಡಗಿಸಿಕೊಂಡು ಸನ್ಯಾಸದತ್ತ ಮನ ಮಾಡಿದ’ ಎಂದು ಹೇಳಿದ್ದಾರೆ.

“ಆರು ತಿಂಗಳ ಹಿಂದೆ ನಾನು ಅವನೊಂದಿಗೆ ಸಂಪರ್ಕದಲ್ಲಿದ್ದೆ. ಅದರ ನಂತರ, ನನ್ನೊಂದಿಗೆ ಎಲ್ಲಾ ಸಂವಹನವನ್ನು ನಿರ್ಬಂಧಿಸಿದ.ಆತ ಹರಿದ್ವಾರದಲ್ಲಿದ್ದ ಎಂದು ನಾನು ಕೇಳಿ ಭೇಟಿ ಮಾಡಲು ಬಯಸಿದ್ದೆ. ಆದರೆ ಸಾಧ್ಯವಾಗಲಿಲ್ಲ, ಈಗ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದಾನೆ ” ಎಂದು ಭಾವುಕ ನುಡಿಗಳನ್ನು ಕರಣ್ ಗ್ರೆವಾಲ್ ಆಡಿದ್ದಾರೆ.

ಅಭಯ್ ಸಿಂಗ್ ತಾಯಿಯೂ ಕೂಡ ಸನ್ಯಾಸ ತೊರೆದು ಬರುಬಂತೆ ಕೇಳಿಕೊಂಡಿದ್ದರು. ಆದರೆ ಒಮ್ಮೆ ಸನ್ಯಾಸದ ನಿರ್ಧಾರ ತೆಗೆದುಕೊಂಡ ಬಳಿಕ ಮರಳಿ ಬರುವುದು ಅಸಾಧ್ಯ ಎನ್ನುವುದು ಆತನ ನಿರ್ಧಾರವಾಗಿತ್ತು ಎಂದರು.

ಬಾಲ್ಯದಲ್ಲೇ ಸನ್ಯಾಸದತ್ತ ಆಸಕ್ತಿ

ಎನ್‌ಡಿಟಿವಿಯೊಂದಿಗೆ ಮಾತನಾಡಿದ್ದ ಐಐಟಿ ಬಾಬಾ ಅಭಯ್ ಸಿಂಗ್, ”ತನ್ನ ಬಾಲ್ಯದಲ್ಲಿ ಕೌಟುಂಬಿಕ ಕಲಹ ನೋಡಿದುದು ಆಧ್ಯಾತ್ಮಿಕ ಹಾದಿಗೆ ಬರುವಂತೆ ಪ್ರಭಾವಿಸಿತು. ಹೆತ್ತವರ ನಿರಂತರ ಜಗಳದಿಂದ ಆಘಾತಕ್ಕೊಳಗಾದೆ ಬೆಳೆಯುತ್ತಿರುವಾಗ, ಮನೆಯಲ್ಲಿನ ಅವ್ಯವಸ್ಥೆಯಿಂದ ತಪ್ಪಿಸಿಕೊಳ್ಳಲು ಅವರು ತಡರಾತ್ರಿಯಲ್ಲಿ ಅಧ್ಯಯನ ಮಾಡುತ್ತಿದ್ದೆ. ಅದೇ ಮದುವೆಯಾಗದಿರಲು ನಿರ್ಧಾರ ಮಾಡಲು ಕಾರಣವಾಯಿತು. ಹೆತ್ತವರ ಕಲಹಕ್ಕೆ ಸಾಕ್ಷಿಯಾಗಿ ಸಾಕ್ಷಿಯಾಗಿ ಶಾಂತಿಯುತ, ಏಕಾಂತ ಜೀವನವನ್ನು ಆರಿಸಿಕೊಳ್ಳಲು ಕಾರಣವಾಯಿತು” ಎಂದು ಹೇಳಿಕೊಂಡಿದ್ದರು.