‘ಸಹನೆ ನಿನ್ನದಾದ್ರೆ ಸಕಲವೂ ನಿನ್ನದೇ ಎಂದು ಉಪದೇಶಿದಳು’: ಪ್ರೀತಿಯ ಅಮ್ಮನಿಗೊಂದು ಪದ್ಯ

Team Udayavani, May 10, 2020, 12:07 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ನಾ ಉಸಿರಾಡೋ ಪ್ರತಿ ಗಾಳಿಯು ನಿನ್ನ ಭಿಕ್ಷೆ ಅಮ್ಮ..

ನನ್ನ ಹೃದಯದ ಬಡಿತದ ಸದ್ದು ನಿನ್ನದಮ್ಮಾ.

ನನ್ನ ಜೀವನ ನಿನಗಾಗಿ ಮುಡಿಪು ಅಮ್ಮ..

ಮರಳಿ ಮಗುವಾಗಲು ಕಾತರಿಸುತ್ತಿದೆ ಈ ಮನಸ್ಸು

ನಿನ್ನಪ್ಪುಗೆಯಲ್ಲಿ ನಿನ್ನೊಲವನ್ನು ಸವಿಯುವುದೇ ಸೊಗಸು..

ನಿನ್ನಾಸರೆಯೊಂದು ನನಗೆ ಶಕ್ತಿಯ ಛಾಯೆ..

ನನ್ನೆಲ್ಲ ದುಃಖ ಮರೆಸುವ ಅಮೋಘ ಮಾಯೆ..

ಮನಸಲ್ಲಿ ನೂರಾರು ನೋವನ್ನು ನಿರ್ಮಿಸಿದಾಗ ನಗುವನ್ನು ಕಳಿಸಿದಳು..

ಹೆಜ್ಜೆ ಹೆಜ್ಜೆಗೂ ನೋವಾದಾಗ ಹೆಜ್ಜೆ ಇಡುವುದನ್ನು ಕಲಿಸಿದಳು..

ವಿನಯವು ನಿನ್ನದಾದರೆ ವಿಜಯವು ನಿನ್ನದೇ

ಸಹನೆ ನಿನ್ನದಾದ್ರೆ ಸಕಲವೂ ನಿನ್ನದೇ ಎಂದು ಉಪದೇಶಿದಳು ನನ್ನ ಅಮ್ಮ..

ನಮ್ಮ ಕಣ್ಣಿಗೆ ಕಾಣುವ ಪ್ರತ್ಯಕ್ಷ ದೇವತೆ

ಮೂರು ಲೋಕಗಳ ಹಿಂಧಿಕ್ಕಿ ಕಾಣುವ ಜಗನ್ಮಾತೆ

ತನ್ನ ಕರುಳ ಕತ್ತರಿಸಿ ಜನ್ಮ ಕೊಟ್ಟ ಜನ್ಮದಾತೆ

ನಿನಗೆ ಈ ಸ್ವರ್ಗವು ಸಮಾನಾದಿತೇ ಅಮ್ಮ ❤️

– ಪೂರ್ಣೇಶ್