ಏರಿಂಡಿಯಾಗೆ 321 ಕೋಟಿ ರೂ. ನಿರ್ವಹಣಾ ನಷ್ಟ; ಲಾಭ ಅಲ್ಲ : ಸಿಎಜಿ

Team Udayavani, Mar 10, 2017, 7:31 PM IST

ಹೊಸದಿಲ್ಲಿ : ಕಳೆದ ಹಣಕಾಸು ವರ್ಷದಲ್ಲಿ ಏರಿಂಡಿಯಾ ಹೇಳಿಕೊಂಡಿರುವಂತೆ ಅದಕ್ಕೆ ನಿರ್ವಹಣಾ ಲಾಭ ಆಗಿಲ್ಲ; ಬದಲು ಅದಕ್ಕೆ 321.4 ಕೋಟಿ ರೂ.ಗಳ ನಿರ್ವಹಣಾ ನಷ್ಟ ಆಗಿದೆ ಎಂದು ಪರಮೋಚ್ಚ ಲೆಕ್ಕಪತ್ರ ಪರಿಶೋಧ ಸಿಎಜಿ ಇಂದು ಹೇಳಿದೆ.

ಏರಿಂಡಿಯಾ ಸಂಸ್ಥೆ ಈ ವಿಷಯದಲ್ಲಿ ಯಾವುದೇ ರೀತಿಯ ಅಂಕೆ ಸಂಖ್ಯೆಗಳನ್ನು ತಿರುಚಿಲ್ಲ; ಆದರೂ ಅದು ನೈಜ ನಷ್ಟವನ್ನು ಕಡಿಮೆ ಪ್ರಮಾಣದಲ್ಲಿ ವರದಿ ಮಾಡಿದೆ ಎಂದು ಸಿಎಜಿ ಕಾರ್ಯಾಲಯದಲ್ಲಿನ ಉನ್ನತ ಅಧಿಕಾರಿಗಳು ಹೇಳಿದ್ದಾರೆ. 

ತೆರಿಗೆ ಪಾವತಿದಾರರ ಹಣದಲ್ಲೇ ಇನ್ನೂ ಕಾರ್ಯನಿರತವಾಗಿರುವ ಏರ್‌ ಇಂಡಿಯಾ, ದಶಕಕ್ಕೂ ಮೀರಿದ ಅವಧಿಯಲ್ಲಿ, ಇದೇ ಮೊದಲ ಬಾರಿಗೆ, 2015-16ರಲ್ಲಿ 105 ಕೋಟಿ ರೂ.ಗಳ ನಿರ್ವಹಣಾ ಲಾಭವನ್ನು ವರದಿ ಮಾಡಿತ್ತು. 

ಆದರೆ ಏರಿಂಡಿಯಾ ಹೇಳಿಕೊಂಡಿರುವಂತೆ 2015-16ರ ಸಾಲಿನಲ್ಲಿ  ಅದಕ್ಕೆ  105 ಕೋಟಿ ರೂ.ಗಳ ನಿರ್ವಹಣಾ ಲಾಭ ಆಗಿಲ್ಲ; ಆಗಿರುವುದು ನಿಜಕ್ಕೂ 321.4 ಕೋಟಿ ರೂ.ಗಳ ನಿರ್ವಹಣಾ ನಷ್ಟ ಎಂದು ಸಿಎಜಿ ಸ್ಪಷ್ಟಪಡಿಸಿದೆ.