2020 ಬಜೆಟ್ ; ಪಾತಾಳಕ್ಕೆ ಕುಸಿದ ಮುಂಬೈ ಶೇರುಪೇಟೆ, ಹೂಡಿಕೆದಾರರಿಗೆ 4.1 ಲಕ್ಷ ಕೋಟಿ ನಷ್ಟ

Team Udayavani, Feb 1, 2020, 4:53 PM IST

ಮುಂಬೈ: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಶನಿವಾರ ಲೋಕಸಭೆಯಲ್ಲಿ 2020-21ನೇ ಸಾಲಿನ ಬಜೆಟ್ ಮಂಡಿಸಿದ ಬೆನ್ನಲ್ಲೇ ಮುಂಬೈ ಚಿನಿವಾರ ಪೇಟೆಯ ಸೆನ್ಸೆಕ್ಸ್ ಸೂಚ್ಯಂಕ ಪಾತಾಳಕ್ಕೆ ಕುಸಿದ ಪರಿಣಾಮ ಹೂಡಿಕೆದಾರರಿಗೆ 4.1 ಲಕ್ಷ ಕೋಟಿ ರೂಪಾಯಿ ನಷ್ಟವಾಗಿದೆ ಎಂದು ವರದಿ ತಿಳಿಸಿದೆ.

ಬಜೆಟ್ ಮಂಡನೆ ನಂತರ ಮುಂಬೈ ಶೇರುಪೇಟೆ ಸೆನ್ಸೆಕ್ಸ್ ಸೂಚ್ಯಂಕ ಬರೋಬ್ಬರಿ 1000 ಅಂಕಗಳ ಭಾರೀ ಕುಸಿತ ಕಾಣುವ ಮೂಲಕ 39,728.49 ಅಂಕಗಳೊಂದಿಗೆ ವ್ಯವಹಾರ ಮುಕ್ತಾಯ ಕಂಡಿದೆ.

ರಾಷ್ಟ್ರೀಯ ಶೇರು ಮಾರುಕಟ್ಟೆ ನಿಫ್ಟಿ ಸೂಚ್ಯಂಕ 366 ಅಂಕಗಳಷ್ಟು ಕುಸಿತ ಕಾಣುವ ಮೂಲಕ 11,668.85 ಅಂಕಗಳೊಂದಿಗೆ ವಹಿವಾಟು ಅಂತ್ಯ ಕಂಡಿದೆ. ಇದರೊಂದಿಗೆ ಬಿಎಸ್ ಇ ಮಾರುಕಟ್ಟೆ ಮೌಲ್ಯ 156.50 ಲಕ್ಷ ಕೋಟಿ ರೂಪಾಯಿಯಿಂದ 152.4 ಕೋಟಿಗೆ ರೂಪಾಯಿಗೆ ಇಳಿಕೆಯಾಗಿದೆ.

ನಿರ್ಮಲಾ ಸೀತಾರಾಮನ್ ಮಂಡಿಸಿದ್ದ ಬಜೆಟ್ ನಲ್ಲಿ ಲಾಭಾಂಶ ವಿತರಣಾ ತೆರಿಗೆ (ಡಿಡಿಟಿ) ತೆಗೆದು ಹಾಕುವ ಕುರಿತು ಪ್ರಸ್ತಾಪಿಸಲಾಗಿತ್ತು. ಇದರಿಂದ ಕಂಪನಿಗಳು ಶೇರುದಾರರಿಗೆ ಹೆಚ್ಚಿನ ಪಾವತಿ ಮಾಡಬೇಕಾಗಿತ್ತು.