ಕಳಪೆ ಕಾರ್ಪೊರೇಟ್‌ ಫ‌ಲಿತಾಂಶ: ಮುಂಬಯಿ ಶೇರು 194 ಅಂಕ ನಷ್ಟ 

Team Udayavani, Feb 15, 2017, 11:52 AM IST

ಮುಂಬಯಿ : ಕಾರ್ಪೊರೇಟ್‌ ತ್ತೈಮಾಸಿಕ ಫ‌ಲಿತಾಂಶಗಳು ಕಳಪೆಯಾಗಿರುವ ಹಿನ್ನೆಲೆಯಲ್ಲಿ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಬುಧವಾರದ ಆರಂಭಿಕ ವಹಿವಾಟಿನಲ್ಲಿ 69 ಅಂಕಗಳ ನಷ್ಟಕ್ಕೆ ಗುರಿಯಾಗಿದ್ದು  ಮಧ್ಯಾಹ್ನ 12 ಗಂಟೆಯ ವೇಳೆಗೆ ಸೆನ್ಸೆಕ್ಸ್‌ 194.02 ಅಂಕಗಳ ನಷ್ಟದೊಂದಿಗೆ 28,145.29 ಅಂಕಗಳ ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.

ಇದೇ ರೀತಿ ರಾಷ್ಟ್ರೀಯ ಶೇರುಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ ಕೂಡ 58.75 ಅಂಕಗಳ ನಷ್ಟದೊಂದಿಗೆ 8,733.55 ಅಂಕಗಳ ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.

ಇಂದಿನ ವಹಿವಾಟಿನಲ್ಲಿ  ಟಾಟಾ ಮೋಟರ್‌ ಮತ್ತು ಸನ್‌ ಫಾರ್ಮಾ ಶೇರುಗಳು ತೀವ್ರ ಒತ್ತಡಕ್ಕೆ ಗುರಿಯಾದವು. ಟಾಟಾ ಮೋಟರ್‌ ಶೇ.7.81ರ ನಷ್ಟಕ್ಕೆ ಗುರಿಯಾದರೆ ಸನ್‌ ಫಾಮಾ ಶೇ.3.28ರ ನಷ್ಟಕ್ಕೆ ಗುರಿಯಾಯಿತು.

ಏಶ್ಯನ್‌ ಶೇರು ಮಾರುಕಟ್ಟೆಗಳ ಪೈಕಿ ಹಾಂಕಾಂಗ್‌ನ ಹ್ಯಾಂಗ್‌ ಸೆಂಗ್‌ ಶೇ.1.09ರ ಏರಿಕೆಯನ್ನು ದಾಖಲಿಸಿದರೆ ಜಪಾನಿನ ನಿಕ್ಕಿ ಶೇ.1.22ರ ಏರಿಕೆಯನ್ನು ಪಡೆಯಿತು.ಅಮೆರಿಕದ ಡೋವ್‌ ಜೋನ್ಸ್‌ ನಿನ್ನೆ ಶೇ.0.5ರ ಏರಿಕೆಯನ್ನು ದಾಖಲಿಸಿತ್ತು.