ಲಾಭ ನಗದೀಕರಣ: ಮುಂಬಯಿ ಶೇರು ಅಲ್ಪ ಕುಸಿತ

Team Udayavani, Jan 2, 2018, 4:39 PM IST

ಮುಂಬಯಿ : ಮುಂಬಯಿ ಶೇರು ಪೇಟೆ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಮಂಗಳವಾರದ ವಹಿವಾಟನ್ನು ಮಟ್ಟಸವಾಗಿ ಕೊನೆಗೊಳಿಸಿ ನಿರಾಶೆ ಮಾಡಿತು.

ಸೆನ್ಸೆಕ್ಸ್‌ ದಿನದ ವಹಿವಾಟನ್ನು 0.49 ಅಂಕಗಳ ನಷ್ಟದೊಂದಿಗೆ 33,812.26 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿದರೆ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 6.70 ಅಂಕಗಳ ಏರಿಕೆಯೊಂದಿಗೆ ದಿನದ ವಹಿವಾಟನ್ನು 10,442.20 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇಂದು ವಹಿವಾಟಿಗೆ ಒಳಪಟ್ಟ ಶೇರುಗಳ ಪೈಕಿ 1,687 ಶೇರುಗಳು ಹಿನ್ನಡೆಗೆ ಗುರಿಯಾದವು; 1,152 ಶೇರುಗಳು ಮುನ್ನಡೆ  ಸಾಧಿಸಿದವು.

ಅನಿಲ್‌ ಧೀರೂಭಾಯ್‌ ಅಂಬಾನಿ ಸಮೂಹದ ಶೇರುಳು ಇಂದು ತೀವ್ರ ಮಾರಾಟದ ಒತ್ತಡವನ್ನು ಕಂಡವು. ರಿಲಯನ್ಸ್‌ ನೇವಲ್‌ ಮತ್ತು ರಿಲಯನ್ಸ್‌ ಕಮ್ಯುನಿಕೇಶನ್ಸ್‌ ಶೇರುಗಳು ಶೇ.10ರಷ್ಟು ಕುಸಿದರೆ ರಿಲಯನ್ಸ್‌ ಇನ್‌ಫ್ರಾಸ್ಟ್ರಕ್ಚರ್‌, ರಿಲಯನ್ಸ್‌ ಪವರ್‌, ರಿಲಯನ್ಸ್‌ ನಿಪ್ಪಾನ್‌ ಮತ್ತು ರಿಲಯನ್ಸ್‌ ಕ್ಯಾಪಿಟಲ್‌ ಶೇರುಗಳು ಶೇ.1ರಿಂದ ಶೇ.7ರ ಕುಸಿತವನ್ನು ಕಂಡವು.