ಟ್ರಾಯ್‌ ಕ್ರಮಕ್ಕೆ ಕುಸಿದ ಭಾರ್ತಿ, ಐಡಿಯಾ, ರಿಲಯನ್ಸ್‌ ಶೇರು

Team Udayavani, Sep 20, 2017, 4:21 PM IST

ಮುಂಬಯಿ : ಟೆಲಿಕಾಂ ನಿಯಂತ್ರಣ ಸಂಸ್ಥೆ ಟ್ರಾಯ್‌, ಇದೇ ಅಕ್ಟೋಬರ್‌ 1ರಿಂದ ಜಾರಿಗೆ ಬರುವಂತೆ ಮೊಬೈಲ್‌ ಕಾಲ್‌ ಕನೆಕ್ಷನ್‌ ಚಾರ್ಜನ್ನು ಪ್ರತೀ ನಿಮಿಷಕ್ಕೆ  ಈಗಿನ 14 ಪೈಸೆಯಿಂದ 6 ಪೈಸೆಗೆ ಇಳಿಸಿರುವ ಪರಿಣಾಮವಾಗಿ ಇಂದು ಮುಂಬಯಿ ಶೇರು ಪೇಟೆಯಲ್ಲಿ ಟೆಲಿಕಾಂ ರಂಗದ ಕಂಪೆನಿಗಳಾದ ಭಾರ್ತಿ ಏರ್‌ಟೆಲ್‌, ಐಡಿಯಾ ಸೆಲ್ಯುಲರ್‌ ಮತ್ತು ರಿಲಯನ್ಸ್‌ ಕಮ್ಯುನಿಕೇಶನ್‌ ನ ಶೇರುಗಳು ಶೇ.3 ರಿಂದ ಶೇ.6ರಷ್ಟು ಕುಸಿದವು. 

ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಬುಧವಾರದ ವಹಿವಾಟನ್ನು  1.86 ಅಂಕಗಳ ನಷ್ಟದೊಂದಿಗೆ 32,400.51 ಅಂಕಗಳ ಮಟ್ಟದಲ್ಲಿ ಮತ್ತು ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ ದಿನದ ವಹಿವಾಟನ್ನು 6.40 ಅಂಕಗಳ ನಷ್ಟದೊಂದಿಗೆ 10,141.15 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು. 

ಐಸಿಐಸಿಐ ಬ್ಯಾಂಕ್‌, ಟಾಟಾ ಮೋಟರ್‌, ಐಓಸಿ, ಎಚ್‌ಯುಎಲ್‌, ಹೀರೋ ಮೋಟೋ ಕಾರ್ಪ್‌, ಬಿಪಿಸಿಎಲ್‌ ಮತ್ತು ಕೋಟಕ್‌ ಮಹೀಂದ್ರ ಬ್ಯಾಂಕ್‌ ಶೇರುಗಳು ಶೇ.1ರಿಂದ ಶೇ.2ರಷ್ಟು ಕುಸಿದವು. 

ಹಾಗಿದ್ದರೂ ಐಟಿಸಿ, ರಿಲಯನ್ಸ್‌ ಇಂಡಸ್ಟ್ರೀಸ್‌, ಎಚ್‌ ಡಿ ಎಫ್ ಸಿ, ಎಲ್‌ ಆ್ಯಂಡ್‌ ಟಿ, ಡಾ. ರೆಡ್ಡಿ ಲ್ಯಾಬ್‌ ಶೇರುಗಳು ಅಲ್ಪ ಪ್ರಮಾಣದ ಏರಿಕೆಯನ್ನು ದಾಖಲಿಸಿದವು.