ಸೆನ್ಸೆಕ್ಸ್‌ 80 ಅಂಕ ನಷ್ಟ; ರೂಪಾಯಿ 60ರ ಮಟ್ಟಕ್ಕಿಂತ ಕೆಳಗೆ

Team Udayavani, Apr 20, 2018, 11:35 AM IST

ಮುಂಬಯಿ : ಜಾಗತಿಕ ಶೇರು ಮಾರಕಟ್ಟೆಗಳಲ್ಲಿ ಕಂಡು ಬಂದ ನೇತ್ಯಾತ್ಮಕ ಪ್ರವೃತ್ತಿ, ಡಾಲರ್‌ ಎದುರು ರೂಪಾಯಿ 60 ರೂ.ಗಿಂತ ಕೆಳಗಿನ ಮಟ್ಟಕ್ಕೆ ಕುಸಿದಿರುವುದು ಮುಂತಾಗಿ ವಿವಿಧ ಕಾರಣಗಳಿಗೆ ಮುಂಬಯಿ ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಶುಕ್ರವಾರ ಬೆಳಗ್ಗಿನ ಆರಂಭಿಕ ವಹಿವಾಟಿನಲ್ಲಿ 80 ಅಂಕಗಳ ಕುಸಿತಕ್ಕೆ ಗುರಿಯಾಯಿತು. ಸೆನ್ಸೆಕ್ಸ್‌ ನಿನ್ನೆ ಗುರುವಾರ 95.61 ಅಂಕಗಳ ಏರಿಕೆಯನ್ನು ದಾಖಲಿಸಿತ್ತು.

ಇಂದು ಶುಕ್ರವಾರ ಬೆಳಗ್ಗೆ 11.30ರ ಹೊತ್ತಿಗೆ ಸೆನ್ಸೆಕ್ಸ್‌  74.01 ಅಂಕಗಳ ನಷ್ಟಕ್ಕೆ ಗುರಿಯಾಗಿ 34,353.28 ಅಂಕಗಳ ಮಟ್ಟದಲ್ಲೂ, ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 32.80 ಅಂಕಗಳ ನಷ್ಟದೊಂದಿಗೆ 10,532.20 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು.

ಟಾಪ್‌ ಗೇನರ್‌ಗಳಾಗಿ ಟಿಸಿಎಸ್‌, ಇನ್‌ಫೋಸಿಸ್‌, ಎಚ್‌ಸಿಎಲ್‌ ಟೆಕ್‌, ಟೆಕ್‌ ಮಹೀಂದ್ರ, ಟಾಟಾ ಮೋಟರ್‌ ಮುನ್ನಡೆ ಕಂಡವು; ಹಿಂಡಾಲ್ಕೊ, ಎಸ್‌ ಬ್ಯಾಂಕ್‌, ಟಾಟಾ ಸ್ಟೀಲ್‌, ಬಜಾಜ್‌ ಫೈನಾನ್ಸ್‌ ಮತ್ತು ವೇದಾಂತ ಶೇರುಗಳು ಟಾಪ್‌ ಲೂಸರ್‌ಗಳಾಗಿ ಹಿನ್ನಡೆಗೆ ಗುರಿಯಾದವು.