ಮುಂಬಯಿ ಶೇರು 235 ಅಂಕ ಜಿಗಿತ; 31,595 ಅಂಕಗಳ ಸಾರ್ವಕಾಲಿಕ ಮಟ್ಟಕ್ಕೆ

Team Udayavani, Jul 10, 2017, 10:36 AM IST

ಮುಂಬಯಿ: ಇಂದು ಸೋಮವಾರದ ಆರಂಭಿಕ ವಹಿವಾಟನ್ನು 235 ಅಂಕಗಳ ಭರ್ಜರಿ ಜಿಗಿತದೊಂದಿಗೆ ಆರಂಭಿಸಿರುವ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಸಾರ್ವಕಾಲಿಕ ಎತ್ತರವಾಗಿ 31,595 ಅಂಕಗಳ ಮಟ್ಟವನ್ನು ತಲುಪುವ ಸಾಧನೆ ಮಾಡಿದೆ. 

ಸಾಂಸ್ಥಿಕ ತ್ತೈಮಾಸಿಕ ಫ‌ಲಿತಾಂಶಗಳು ದೇಶೀಯ ಸಾಂಸ್ಥಿಕ ಹೂಡಿಕೆದಾರರಲ್ಲಿ ವಿಶೇಷವಾದ ಭರವಸೆ ಮತ್ತು ಉತ್ಸಾಹವನ್ನು ತುಂಬಿರುವುದೇ ಇಂದಿನ ತೇಜಿಗೆ ಕಾರಣವಾಗಿದೆ. ಮೇಲಾಗಿ ಚಿಲ್ಲರೆ ಖರೀದಿದಾರರು ಮತ್ತು ಹೂಡಿಕೆದಾರರು ವ್ಯಾಪಕ ಖರೀದಿಯಲ್ಲಿ ಆಸಕ್ತಿ ತೋರಿರುವುದು ಕೂಡ ಶೇರು ಪೇಟಯಲ್ಲಿನ ತೇಜಿಗೆ ಕಾರಣವಾಗಿದೆ. 

ಬೆಳಗ್ಗೆ 10.30ರ ಹೊತ್ತಿಗೆ ಸೆನ್ಸೆಕ್‌ಸ 200.94 ಅಂಕಗಳ ಮುನ್ನಡೆಯೊಂದಿಗೆ 31,561.57 ಅಂಕಗಳ ಮಟ್ಟದಲ್ಲೂ, ರಾಷ್ಟ್ರೀಯ ಶೇರ ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 33.20 ಅಂಕಗಳ ಮುನ್ನಡೆಯೊಂದಿಗೆ 9,699.00 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು. 

ಇನ್‌ಫೋಸಿಸ್‌, ಎಚ್‌ ಡಿ ಎಫ್ ಸಿ, ಐಸಿಐಸಿಐ ಬ್ಯಾಂಕ್‌, ಐಟಿಸಿ, ಎಚ್‌ಯುಎಲ್‌ ಶೇರುಗಳು ಇಂದು ಅತ್ಯಂತ ಹೆಚ್ಚು ಕ್ರಿಯಾಶೀಲವಾಗಿದ್ದವು. 

ಮಹೀಂದ್ರ, ಎನ್‌ಟಿಪಿಸಿ, ಪವರ್‌ ಗ್ರಿಡ್‌, ಇನ್‌ಫೋಸಿಸ್‌, ರಿಲಯನ್ಸ್‌ ಶೇರುಗಳು ಟಾಪ್‌ ಗೇನರ್‌ ಆಗಿದ್ದವು.

ಮಹೀಂದ್ರ, ಎಚ್‌ ಡಿ ಎಫ್ ಸಿ, ಐಟಿಸಿ, ಈಶರ್‌ ಮೋಟರ್‌, ಎಚ್‌ ಡಿ ಎಫ್ ಸಿ ಬ್ಯಾಂಕ್‌ ಟಾಪ್‌ ಲೂಸರ್‌ ಆಗಿದ್ದವು. 

ಜುಲೈ 13ರಂದು ಟಿಸಿಎಸ್‌ ತನ್ನ ತ್ತೈಮಾಸಿಕ ಫ‌ಲಿತಾಂಶ ಪ್ರಕಟಿಸಲಿದ್ದು ಶೇರು ಮಾರುಕಟ್ಟೆ ಆ ಬಗ್ಗೆ  ಭಾರೀ ನಿರೀಕ್ಷೆ ಇಟ್ಟು ಕೊಂಡಿದೆ. ಇಂದು ಟೆಕ್ನಾಲಜಿ, ಐಟಿ, ರಿಯಲ್ಟಿ, ಪಿಎಸ್‌ಯು, ಹೆಲ್ತ್‌ ಕೇರ್‌ ಮತ್ತು ಬ್ಯಾಂಕಿಂಗ್‌ ರಂಗದ ಶೇರುಗಳು ಉತ್ತಮ ಬೇಡಿಕೆ ಪಡೆದಿದ್ದವು.