ದಿನಾಂತ್ಯ ಹೊಸ ಎತ್ತರ ಕಂಡ ಮುಂಬಯಿ ಶೇರು ಪೇಟೆ

Team Udayavani, Jun 5, 2017, 5:52 PM IST

ಮುಂಬಯಿ : ಮುಂಬಯಿ ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್‌ ಹಾಗೂ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ ಇಂದು ಸೋಮವಾರ ಹೊಸ ದಾಖಲೆಯ ಎತ್ತರವನ್ನು ಕಾಣುವುದರೊಂದಿಗೆ ದಿನದ ವಹಿವಾಟನ್ನು ಆಶಾದಾಯಕವಾಗಿ ಕೊನೆಗೊಳಿಸಿವೆ. 

ಸೆನ್ಸೆಕ್ಸ್‌ 36.2 ಅಂಕಗಳ ಮುನ್ನಡೆಯೊಂದಿಗೆ 31,309.49 ಅಂಕಗಳ ಮಟ್ಟದಲ್ಲಿ  ಹಾಗೂ ನಿಫ್ಟಿ 21.6 ಅಂಕಗಳ ಮುನ್ನಡೆಯೊಂದಿಗೆ 9,675.10 ಅಂಕಗಳ ಮಟ್ಟದಲ್ಲಿ ದಿನದ ವಹಿವಾಟನ್ನು ಮುಗಿಸಿವೆ. 

ಇಂದು ಒಟ್ಟು  3,065 ಶೇರುಗಳು ವಹಿವಾಟಿಗೆ ಒಳಪಟ್ಟವು; 1,531 ಶೇರುಗಳು ಮುನ್ನಡೆ ಕಂಡವು; 1,354 ಶೇರುಗಳು ಹಿನ್ನಡೆಗೆ ಗುರಿಯಾದವು; 180 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ. 

ಕೋಲ್‌ ಇಂಡಿಯಾ, ಗೇಲ್‌, ಇನ್‌ಫೋಸಿಸ್‌ ಟಾಪ್‌ ಗೇನರ್‌ ಎನಿಸಿಕೊಂಡವು; ಲೂಪಿನ್‌, ಡಾ. ರೆಡ್ಡಿ ಟಾಪ್‌ ಲೂಸರ್‌ ಎನಿಸಿಕೊಂಡವು.