ಸೆನ್ಸೆಕ್ಸ್‌ 250 ಅಂಕ ಜಂಪ್‌, ಮತ್ತೆ 11,300ರ ಮಟ್ಟ ದಾಟಿದ ನಿಫ್ಟಿ

Team Udayavani, Aug 3, 2018, 11:08 AM IST

ಮುಂಬಯಿ : ಬ್ಯಾಂಕ್‌ ಬಡ್ಡಿ ದರಗಳ ಸೂಕ್ಷ್ಮತೆ ಹೊಂದಿರುವ ರಿಯಲ್ಟಿ, ಆಟೋ, ಬ್ಯಾಂಕಿಂಗ್‌ ಶೇರುಗಳ ಉತ್ತಮ ಖರೀದಿಯ ಪರಿಣಾಮವಾಗಿ ಮುಂಬಯಿ ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಶುಕ್ರವಾರದ ಆರಂಭಿಕ ವಹಿವಾಟಿನಲ್ಲಿ 250 ಅಂಕಗಳ ಜಂಪ್‌ ಸಾಧಿಸಿದೆ. ಇದೇ ವೇಳೆ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 11,300 ಅಂಕಗಳ ಮಟ್ಟವನ್ನು ಪುನರ್‌ ಸಂಪಾದಿಸಿದೆ. 

ಕಳೆದ ಎರಡು ದಿನಗಳ ನಿರಂತರ ವಹಿವಾಟಿನಲ್ಲಿ 441.42 ಅಂಕಗಳ ನಷ್ಟಕ್ಕೆ ಗುರಿಯಾಗಿದ್ದ ಸೆನ್ಸೆಕ್ಸ್‌ ಇಂದು ಬೆಳಗ್ಗೆ 10.45ರ ಹೊತ್ತಿಗೆ 294.28 ಅಂಕಗಳ ಏರಿಕೆಯೊಂದಿಗೆ 37,459.44 ಅಂಕಗಳ ಮಟ್ಟದಲ್ಲೂ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 89.80 ಅಂಕಗಳ ಏರಿಕೆಯೊಂದಿಗೆ 11,334.50 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು. 

ಕೋಟಕ್‌ ಬ್ಯಾಂಕ್‌, ಒಎನ್‌ಜಿಸಿ, ಎಕ್ಸಿಸ್‌ ಬ್ಯಾಂಕ್‌, ಎಚ್‌ ಡಿ ಎಫ್ ಸಿ, ಎಸ್‌ ಬ್ಯಾಂಕ್‌, ಆರ್‌ಐಎಲ್‌, ಟಿಸಿಎಸ್‌, ಮಹೀಂದ್ರ, ಸನ್‌ ಫಾರ್ಮಾ, ಪವರ್‌ ಗ್ರಿಡ್‌, ವೇದಾಂತ, ಟಾಟಾ ಮೋಟರ್‌, ಅದಾನಿ ಪೋರ್ಟ್‌, ಮಾರುತಿ ಸುಜುಕಿ, ಎಸ್‌ಬಿಐ ಮೊದಲಾದ ಶೇರುಗಳು ಶೇ.2 ರ ಏರಿಕೆಯನ್ನು ದಾಖಲಿಸಿದವು. 

ಡಾಲರ್‌ ಎದುರು ರೂಪಾಯಿ ಇಂದಿನ ಆರಂಭಿಕ ವಹಿವಾಟಿನಲ್ಲಿ 7 ಪೈಸೆಯಷ್ಟು ದುರ್ಬಲವಾಗಿ 68.77 ರೂ. ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.