ಮುಂಬಯಿ ಶೇರು: ಆರಂಭಿಕ ಕುಸಿತದ ಬಳಿಕ 13 ಅಂಕ ಚೇತರಿಕೆ

Team Udayavani, Jun 18, 2018, 10:58 AM IST

ಮುಂಬಯಿ: ಇಂದು ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ 76 ಅಂಕಗಳ ಏರಿಕೆಯನ್ನು ಕಂಡ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಅನಂತರದಲ್ಲಿ ಕುಸಿತಕ್ಕೆ ಗುರಿಯಾಯಿತು.

ಬೆಳಗ್ಗೆ 10.50ರ ಹೊತ್ತಿಗೆ ಸ್ವಲ್ಪ ಮಟ್ಟಿನ ಚೇತರಿಕೆಯನ್ನು ತೋರಿದ ಸೆನ್ಸೆಕ್ಸ್‌ 13.71 ಅಂಕಗಳ ಏರಿಕೆಯನ್ನು ದಾಖಲಿಸಿ 35,635.85 ಅಂಕಗಳ ಮಟ್ಟದಲ್ಲೂ, ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 3.80 ಅಂಕಗಳ ಏರಿಕೆಯನ್ನು ದಾಖಲಿಸಿ 10,821.50 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು. 

ವೇದಾಂತ, ಟಾಟಾ ಸ್ಟೀಲ್‌, ಕೋಲ್‌ ಇಂಡಿಯಾ, ಕೋಟಕ್‌ ಬ್ಯಾಂಕ್‌, ಪವರ್‌ ಗ್ರಡ್‌, ಹೀರೋ ಮೋಟೋ ಕಾರ್ಪ್‌, ಎಕ್ಸಿಸ್‌ ಬ್ಯಾಂಕ್‌, ಇನ್‌ಫೋಸಿಸ್‌ ಶೇರುಗಳು ಶೇ.3ರ ಕುಸಿತಕ್ಕೆ ಗುರಿಯಾದವು. ಹಾಗಿದ್ದರೂ ಮೆಟಲ್‌, ಬ್ಯಾಂಕಿಂಗ್‌, ಮತ್ತು ರಿಯಲ್ಟಿ ರಂಗದ ಶೇರುಗಳು ಶೇ.2ರಷ್ಟು ಏರಿದವು.

ಇಂದು ಬೆಳಗ್ಗಿನ ವಹಿವಾಟಿನ ಟಾಪ್‌ ಗೇನರ್‌ಗಳು : ಎಚ್‌ಪಿಸಿಎಲ್‌, ಬಿಪಿಸಿಎಲ್‌, ಐಸಿಐಸಿಐ ಬ್ಯಾಂಕ್‌, ಐಡಿಯಾ ಸೆಲ್ಯುಲರ್‌,  ಟಾಟಾ ಮೋಟರ್‌. ಟಾಪ್‌ ಲೂಸರ್‌ಗಳು : ವೇದಾಂತ, ಹಿಂಡಾಲ್ಕೋ, ಟಾಟಾ ಸ್ಟೀಲ್‌, ಕೋಟಕ್‌ ಮಹೀಂದರ, ಗ್ರಾಸಿಂ.