181 ಅಂಕಗಳ ಜಿಗಿತ ದಾಖಲಿಸಿದ ಮುಂಬಯಿ ಶೇರು, ನಿಫ್ಟಿ 10,727

Team Udayavani, Jan 4, 2019, 11:10 AM IST

ಮುಂಬಯಿ : ಡಾಲರ್‌ ಎದುರು ರೂಪಾಯಿ ಬಲವರ್ಧನೆ ಮತ್ತು ಧನಾತ್ಮಕ ಜಾಗತಿಕ ಮಾರುಕಟ್ಟೆಯ ಪ್ರಭಾವದಲ್ಲಿ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಶುಕ್ರವಾರದ ವಹಿವಾಟನ್ನು 181.39 ಅಂಕಗಳ ಏರಿಕೆಯೊಂದಿಗೆ 35,695.10 ಅಂಕಗಳ ಮಟ್ಟದಲ್ಲಿ ಆಶಾದಾಯಕವಾಗಿ ಕೊನೆಗೊಳಿಸಿತು. 

ಇದೇ ರೀತಿ ರಾಷ್ಟ್ರೀಯ ಶೇರು ಪೇಟೆಯ ನಿಫ್ಟಿ ಸೂಚ್ಯಂಕ 55.10 ಅಂಕಗಳ ಮುನ್ನಡೆಯೊಂದಿಗೆ ದಿನದ ವಹಿವಾಟನ್ನು 10,727.35 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇಂದು ಬ್ಯಾಂಕಿಂಗ್‌, ಮೆಟಲ್‌ ಮತ್ತು ಫಾರ್ಮಾ ಶೇರುಗಳು ಉತ್ತಮ ಖರೀದಿಯನ್ನು ಕಂಡವು. ಅತೀ ದೊಡ್ಡ ಗೇನರ್‌ಗಳಾಗಿ ಮೂಡಿಬಂದ ಎಸ್‌ ಬ್ಯಾಂಕ್‌, ಭಾರ್ತಿ ಏರ್‌ಟೆಲ್‌, ಟಾಟಾ ಮೋಟರ್‌, ವೇದಾಂತ, ಎಸ್‌ಬಿಐ, ಎಕ್ಸಿಸ್‌ ಬ್ಯಾಂಕ್‌ ಶೇರುಗಳು ಶೇ.3.05ರ ಮುನ್ನಡೆಯನ್ನು ಕಂಡವು. 

ಟಾಪ್‌ ಲೂಸರ್‌ ಎನಿಸಿಕೊಂಡ ಎಚ್‌ಸಿಎಲ್‌ ಟೆಕ್‌, ಟಿಸಿಎಸ್‌, ಇನ್‌ಫೋಸಿಸ್‌, ಹೀರೋ ಮೋಟೋ ಕಾರ್ಪ್‌, ಇಂಡಸ್‌ಇಂಡ್‌ ಬ್ಯಾಂಕ್‌ ಮತ್ತು ಸನ್‌ ಫಾರ್ಮಾ ಶೇರುಗಳು ಶೇ.1.55 ನಷ್ಟಕ್ಕೆ ಗುರಿಯಾದವು. 

ಮುಂಬಯಿ ಶೇರು ಪೇಟೆಯಲ್ಲಿ ಇಂದು ಒಟ್ಟು   2,765 ಕಂಪೆನಿಗಳು ವಹಿವಾಟಿಗೆ ಒಳಪಟ್ಟವು; ಈ ಪೈಕಿ 1,338 ಕಂಪೆನಿಗಳು ಮುನ್ನಡೆ ಸಾಧಿಸಿದವು;  1,264 ಕಂಪೆನಿಗಳು ಹಿನ್ನಡೆಗೆ ಗುರಿಯಾದವು; 163 ಕಂಪೆನಿಗಳ ಶೇರು ಧಾರಣೆಯಲ್ಲಿ ಯಾವುದೇ ವ್ಯತ್ಯಾಸ ಕಂಡು ಬರಲಿಲ್ಲ.