ಫೇಸ್‌ಬುಕ್‌ನಿಂದ ಅಂಗಡಿ ಸೇವೆ ಶುರು

Team Udayavani, May 21, 2020, 4:51 AM IST

ಸಾಂದರ್ಭಿಕ ಚಿತ್ರ

ಮುಂಬೈ: ಜಿಯೋ ಮೊಬೈಲ್‌ನಲ್ಲಿ ಶೇ.9.99ರಷ್ಟು ಷೇರು ಖರೀದಿಸಿರುವ ಫೇಸ್‌ ಬುಕ್‌, ಜಿಯೋದ ಇ-ಕಾಮರ್ಸ್‌ ಕನಸಿಗೆ ನೆರವಾಗಲು ಸಿದ್ಧವಾಗಿದೆ. ಅದರ ಬೆನ್ನಲ್ಲೇ ತಾನೂ ಕೂಡ ಪರೋಕ್ಷವಾಗಿ ಚಿಲ್ಲರೆ ಇ-ಕಾಮರ್ಸ್‌ ಕ್ಷೇತ್ರಕ್ಕೆ ಕಾಲಿಟ್ಟಿದೆ.

ಅದು ಶಾಪ್ಸ್‌ ಎಂಬ ಹೊಸ ಸೇವೆಯನ್ನು ತನ್ನ ಬಳಕೆದಾರರಿಗೆ ತೆರೆದಿದೆ. ಯಾವುದೇ ವ್ಯಾಪಾರಿಗಳು, ತಮ್ಮ ವ್ಯಾಪ್ತಿ, ವಿಸ್ತಾರದ ಚಿಂತೆಯಲ್ಲಿದೇ ಫೇಸ್‌
ಬುಕ್‌ನ ಈ ಸೇವೆಯನ್ನು ಬಳಸಿಕೊಳ್ಳಬಹುದು. ಅದರಲ್ಲೂ ಸಣ್ಣ ವ್ಯಾಪಾರಿಗಳಿಗೆ ಅನುಕೂಲವಾಗಲೆಂದೇ, ತಾನು ಈ ಸೇವೆಯನ್ನು ಆರಂಭಿಸಿದ್ದೇನೆ. ಜನ ಪ್ರಯಾಸಪಟ್ಟು ಕೊಳ್ಳುವುದಕ್ಕಿಂತ, ಅವರಿಗೆ ಅದು ಆನಂದವಾಗಬೇಕು ಎಂದು ಫೇಸ್‌ಬುಕ್‌ ಪರವಾಗಿ ಸಿಇಒ ಮಾರ್ಕ್‌ ಜುಕರ್‌ಬರ್ಗ್‌ ತಿಳಿಸಿದ್ದಾರೆ.

ಹೇಗೆ ನೋಂದಣಿ?: ಫೇಸ್‌ಬುಕ್‌ನ ಶಾಪ್ಸ್‌ ಸೇವೆ ಇನ್ಸ್ಟಾಗ್ರಾಮ್‌ ಬಳಕೆದಾರರಿಗೂ ಸಿಗುತ್ತದೆ. ಫೇಸ್‌ ಬುಕ್‌ನಲ್ಲಿ ಗ್ರಾಹಕರು ಶಾಪ್ಸ್‌ಗೆ ತಮ್ಮ ಒಂದು
ಅಂಗಡಿಯನ್ನು ನೋಂದಣಿ ಮಾಡಬೇಕು. ಅಲ್ಲಿ ತಮ್ಮಲ್ಲಿರುವ ವಸ್ತುಗಳನ್ನು ತೋರಿಸಬಹುದು. ಜೊತೆಗೆ ತಮ್ಮ ಅಂಗಡಿಯ ಚಿತ್ರ ಹಾಕಿ, ವಿಶಿಷ್ಟ
ಬಣ್ಣವನ್ನು ಬಳಸಿ ಇನ್ನೂ ಅಂದಗಾಣಿಸಬಹುದು! ಈ ವ್ಯಾಪಾರಿಗಳಿಗೆ ಫೇಸ್‌ಬುಕ್‌, ಗ್ರಾಹಕರನ್ನು ತಲುಪಲು ತಾನೇ ನೆರವು ನೀಡಲಿದೆ. ಅಂದರೆ
ವಾಟ್ಸ್‌ಆ್ಯಪ್‌, ಮೆಸೆಂಜರ್‌, ಇನ್ಸ್ಟಾಗ್ರಾಮ್‌ ಮೂಲಕ ಜನರಿಗೆ ಸಂದೇಶ ಕಳುಹಿಸಬಹುದು. ಜನರು ಕೇಳಿದ ವಸ್ತುಗಳನ್ನು ಅವರ ಮನೆಗೆ ತಲುಪಿಸುವುದು ಮಾತ್ರ ಅಂಗಡಿಯವರ ಕೆಲಸ.