ದಸರೆಗೆ ಮುನ್ನವೇ ಸ್ಮಾರ್ಟ್‌ ಫೋನ್‌ ಕೊಳ್ಳಿ

Team Udayavani, Oct 3, 2020, 5:55 AM IST

ಹೊಸದಿಲ್ಲಿ: ಸ್ಮಾರ್ಟ್‌ ಫೋನ್‌ ಖರೀದಿಸುವ ಇಚ್ಛೆ ಇದ್ದರೆ ಈಗಲೇ ನಿರ್ಧರಿಸಿಬಿಡಿ… ದಸರೆಯ ಬಳಿಕ ಈ ಫೋನ್‌ಗಳ ಬೆಲೆ ಹೆಚ್ಚಳ
ವಾಗುವ ಎಲ್ಲ ಸಾಧ್ಯತೆಗಳಿವೆ. ಏಕೆಂದರೆ ಕೇಂದ್ರ ಸರಕಾರವು ಫೋನ್‌ಗಳ ಡಿಸ್‌ಪ್ಲೇ, ಟಚ್‌ ಪ್ಯಾನೆಲ್‌ಗ‌ಳ ಆಮದು ಮೇಲೆ ಶೇ. 10ರಷ್ಟು ಸುಂಕ ವಿಧಿಸಲು ತೀರ್ಮಾನಿಸಿದೆ. ಫೋನ್‌ ಉತ್ಪಾದಕರು ಆ ವೆಚ್ಚವನ್ನು ನೇರವಾಗಿ ಗ್ರಾಹಕರ ಮೇಲೆ ವರ್ಗಾಯಿಸಲಿರುವುದರಿಂದ ಸ್ಮಾರ್ಟ್‌ ಫೋನ್‌ ಬೆಲೆಯಲ್ಲಿ ಏರಿಕೆ ಉಂಟಾಗಲಿದೆ.

ಸುಂಕ ಶೇ.10ರಷ್ಟು ಹೆಚ್ಚಳವಾದರೂ ಫೋನ್‌ಗಳ ಬೆಲೆಯಲ್ಲಿ ಶೇ. 1.5ರಿಂದ ಶೇ. 5ರಷ್ಟು ಏರಿಕೆ ಕಾಣುವ ಸಾಧ್ಯತೆ ಇದೆ. “ಆತ್ಮನಿರ್ಭರ ಭಾರತ’ ಅನ್ವಯ ಸ್ಥಳೀಯ ಉತ್ಪಾದಕರಿಗೆ ಪ್ರೋತ್ಸಾಹ ನೀಡುವುದಕ್ಕಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಹಂತಹಂತವಾಗಿ ಉತ್ಪಾದನೆ (ಪಿಎಂಪಿ) ಯೋಜನೆಯಡಿ ದೇಶದಲ್ಲಿಯೇ ಹೆಚ್ಚು ಮೊಬೈಲ್‌ ಫೋನ್‌ ಉತ್ಪಾದನೆ ಮಾಡುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಫೋನ್‌ ಆಮದುದಾರರ ಮೇಲೆ ಶೇ.11 ರಷ್ಟು ಹೆಚ್ಚುವರಿಯಾಗಿ ಸುಂಕದ ಹೊರೆ ಅನುಭವಿಸುವಂತಾಗಲಿದೆ.