ಏಳಕ್ಕೂ ಹೆಚ್ಚು ಬಣ್ಣಗಳಲ್ಲಿ ಬಿಡುಗಡೆಯಾಗಲಿದೆ ಗೂಗೂಲ್‌ ಪಿಕ್ಸೆಲ್‌ 4

Team Udayavani, Oct 12, 2019, 7:50 PM IST

ಹೊಸದಿಲ್ಲಿ: ಅ.15 ರಂದು ಮಾರುಕಟ್ಟೆಗೆ ಬರಲಿರುವ ಗೂಗಲ್‌ ಪಿಕ್ಸೆಲ್‌ ರೂಪುರೇಷೆ ವಿಶೇಷತೆಗಳ ಕುರಿತಾಗಿ ಮಾಹಿತಿ ಹೊರಬಿದ್ದಿದ್ದು, 7 ಬಣ್ಣಗಳಲ್ಲಿ ಮಾರುಕಟ್ಟೆಗೆ ಬರಲಿದೆ.

ಪಿಂಕ್‌, ಸ್ಕೈ ಬ್ಲೂ, ಹಳದಿ ಸೇರಿದಂತೆ 7 ಬಣ್ಣ
ಈ ಮೊದಲಿನ ಪಿಕ್ಸೆಲ್‌ ಸರಣಿ ಫೋನ್‌ಗಳು ಕೇವಲ ಮೂರು ಬಣ್ಣಗಳಲ್ಲಿ ಮಾತ್ರ ಲಭ್ಯದಲ್ಲಿದ್ದು, ಇದೀಗ ಇದರ ಅಪ್‌ಡೇಟ್‌ ವರ್ಷನ್‌ ಆಗಿ ಪಿಂಕ್‌, ಆಕಾಶ ನೀಲಿ, ಹಳದಿ, ಹಸಿರು, ಬಿಳಿ, ಕಂಪು ಹಾಗೂ ಓ ಸೋ ಆರೆಂಜ್‌ ಬಣ್ಣಗಳಲ್ಲಿ ಗ್ರಾಹಕರ ಕೈ ಸೇರಲಿದೆ.

ಗುಣಲಕ್ಷಣಗಳು
ಈ ಸ್ಮಾರ್ಟ್‌ಫೋನ್‌ ನಲ್ಲಿ 855 ಎಸ್‌ಒಸಿ ಸ್ನಾಪ್‌ಡ್ರಾಗನ್‌ ಚಿಪ್‌, 5.7 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇ, 6 ಜಿಬಿ ರ್ಯಾಮ್‌ ಹಾಗೂ 64 ಜಿಬಿ/128 ಜಿಬಿ ಸ್ಟೋರೆಜ್‌ ಸಾಮರ್ಥ್ಯ ಹೊಂದಿದೆ.

ಟೆಲಿಫೋಟೋ ಲೆನ್ಸ್‌ ಇದೆ
ಈ ಸ್ಮಾರ್ಟ್‌ಫೋನ್‌ ಹಿಂಭಾಗದಲ್ಲಿ 12 ಮೆಗಾಪಿಕ್ಸೆಲ್‌ ಕೆಮರಾ ಇದ್ದು ಡ್ಯುಎಲ್‌ ಕೆಮರಾ, ಟೆಲಿಫೋಟೋ ಸೌಕರ್ಯ ಇದೆ. ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್‌ ಕೆಮರಾ ಕೊಡಲಾಗಿದೆ.

56 ಸಾವಿರ ರೂ.
ಪಿಕ್ಸೆಲ್‌ 4 ಸ್ಮಾರ್ಟಫೋನಿನ ಅಂದಾಜು ದರ 64ಜಿಬಿ ವೇರಿಯಂಟ್‌ಗೆ 56,000 ರೂ.ಗಳಿಂದ ಆರಂಭವಾಗಲಿದ್ದು, 128ಜಿಬಿ ವೇರಿಯಂಟ್‌ ಸ್ಮಾರ್ಟ್‌ಪೋನ್‌ನ ಬೆಲೆ 64,000 ರೂ. ಇರಬಹುದು ಎಂದು ಅಂದಾಜಿಸಲಾಗಿದೆ.