ಜಿಎಸ್‌ಟಿ ಶಾಕ್‌? ಜಿಎಸ್‌ಟಿ ಸ್ಲ್ಯಾಬ್ ಗಳ ಏರಿಕೆ ಬಗ್ಗೆ ತೀರ್ಮಾನ

Team Udayavani, Jun 16, 2022, 12:35 AM IST

ಹೊಸದಿಲ್ಲಿ: ಅಗತ್ಯವಸ್ತುಗಳ ಬೆಲೆ ಏರಿಕೆ ಯಿಂದ ಕಂಗೆಟ್ಟಿರುವ ಜನರಿಗೆ ಮತ್ತೂಂದು ಶಾಕ್‌ ಕಾದಿದೆಯೇ? ಹೌದು ಎನ್ನುತ್ತಿವೆ ಮೂಲ ಗಳು. ಶುಕ್ರವಾರ ಜಿಎಸ್‌ಟಿ ಮಂಡಳಿ ಸಭೆ ನಡೆಯಲಿದ್ದು, ಜಿಎಸ್‌ಟಿ ಸ್ಲ್ಯಾಬ್ ಗಳಲ್ಲಿ ಕೆಲವೊಂದು ಬದಲಾವಣೆ ಮಾಡಲು ಮುಂದಾ ಗಿದೆ ಎಂದು ಹೇಳಲಾಗುತ್ತಿದೆ.

ಅಂದರೆ, ಈಗಿರುವ ಶೇ.5ರ ಸ್ಲ್ಯಾಬ್ ಅನ್ನು ಶೇ.7ರಿಂದ ಶೇ.8ಕ್ಕೆ ಏರಿಸ‌ಲಾಗುತ್ತದೆ. ಹಾಗೆಯೇ, ಶೇ.18ರ ಸ್ಲ್ಯಾಬ್ ಅನ್ನು ಶೇ.20ಕ್ಕೆ ಏರಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

ಇದಷ್ಟೇ ಅಲ್ಲ, ಸದ್ಯ ರಿಯಾಯಿತಿ ನೀಡಿರುವ ವಸ್ತು ಗಳನ್ನೂ ಜಿಎಸ್‌ಟಿಯಡಿಗೆ ತರಲು ಕೇಂದ್ರ ಸರಕಾರ ಚಿಂತನೆ ನಡೆಸಿವೆೆ ಎಂದು ಮೂಲಗಳು ಹೇಳಿವೆ.

ಅಂದ ಹಾಗೆ, ದರ ಪರಿಷ್ಕರಣೆ ನಡೆಸಲಿರುವುದು ಸಿಎಂ ಬಸವರಾಜ ಬೊಮ್ಮಾಯಿ ನೇತೃತ್ವದ ಹಣಕಾಸು ಸಚಿವರ ಸಮಿತಿ. ಇದು ಜಿಎಸ್‌ಟಿ ಮಂಡಳಿಗೆ ಶಿಫಾರಸು ಮಾಡಲಿದ್ದು, ಅಲ್ಲಿ ನಿರ್ಧಾವಾಗುವ ಸಾಧ್ಯತೆ ಇದೆ.